لُوقا 3:11 - کِتاب مُقدّس سرائیکی ترجمہ

¹¹ اُوں جواب ءچ آکھیا، ”جیندے کولھ ڈُو چولے ہووݨ، او ہِک اُونکُوں ڈیوے جیندے کولھ ہِک وی کائنی، تے جیندے کولھ کھانڑا ہووے او وی اِینویں ای کرے۔“

لُوقا 3:11 Iomraidhean Croise

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

لُوقا 11:41

ہاں، اندر دیاں چیزاں خیرات کر ڈیؤ تاں ڈیکھو تُہاڈے کیتے سبھ کُجھ پاک ہوسی۔

لُوقا 18:22

جیہڑے ویلے یسُوع ایہ سُنڑیا تاں اُونکُوں آکھیا، ”ہِک گالھ دی تیڈے ءچ ہُنڑ تئیں کمی ہے۔ آپنڑا سبھ کُجھ ویچ تے غریباں ءچ وَنڈ ڈے۔ تیکُوں اسمان اُتے خزانہ مِلسی تے وَل آ تے میڈے پِچُھوں تھی پو۔“

لُوقا 19:8

پر زکّائی کھڑا تھی تے خُداوند کُوں آکھیا، ”مالک! مَیں آپنڑا ادھا مال غریباں کُوں ڈیندا ہاں تے جے مَیں کہیں دا کُجھ ناحق گِھدے تاں اُونکُوں چار گُنا واپس کریندا ہاں۔“

یُوحنّا 13:29

کیوں جو یہُوداہ دے کولھ پیسے آلی تھیلی راہندی ہئی اِیں واسطے کُجھ سوچیا جو یسُوع اُونکُوں عید کیتے ضروری سامان مُل گِھننڑ دا آدھا پِیا ہے یا ایہ جو غریباں کُوں کُجھ ڈیوے۔

اعمال 10:2

او بہُوں دیندار ہا تے آپنڑے گھرانڑے سمیت خُدا کنُوں ڈردا ہا، تے یہُودیاں کُوں بہُوں خیرات ڈیندا تے ہر ویلے خُدا کنُوں دُعا کریندا ہا۔

اعمال 10:31

تے آکھیا، ’کُرنیلیُس! خُدا تیڈی دُعا سُنڑ گِھدی تے تیڈی خیرات دی خُدا دے حضُور یاد تھئی ہے۔

اعمال 10:4

او ڈر گِیا تے اُونکُوں غور نال ڈیدھے ہوئے آکھیا ”مالک، کیا ہے؟“ فرشتہ اُونکُوں آکھیا ”تیڈی خیرات تے دُعاواں نذرانے دے طور تے خُدا دے حضُور پُج گئیاں ہِن،

اِفِسیوں 4:28

چوری کرݨ آلا اگُوں تے چوری نہ کرے بلکہ آپنڑے ہتھاں نال محنت کر تے کوئی چنگا کم کرے تاں جو مُتھاجاں دی مدد کرݨ کیتے اُوندے کولھ کُجھ ہووے۔

1 تِیمُتھِیُس 6:17

اِیں موجودہ جہان دے دولت منداں کُوں حُکم ڈے جو او مغرُور نہ تھیوݨ تے دولت جیہی غیر یقینی چیز اُتے اُمید نہ رکھنڑ بلکہ خُدا اُتے، جیہڑا ساڈی خوشی کیتے ساریاں چیزاں ساکُوں کثرت نال ڈیندے۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔

یعقُوب 2:14

میڈے بِھراؤ! جے کوئی دعویٰ کرے جو مَیں اِیمان رکھیندا ہاں پر عمل نہ کریندا ہووے تاں کیا فائدہ؟ کیا ایجھا اِیمان اُونکُوں نجات ڈے سگدے؟

1 یُوحنّا 3:17

جے کہیں دے کولھ دُنیا دا مال موجود ہووے پر او آپنڑے بِھرانواں کُوں مُتھاج ڈیکھ تے اُنہاں اُتے رحم نہ کرے تاں خُدا دی محبت اُوندے ءچ کِینویں قائم رہ سگدی ہے؟

1 یُوحنّا 4:20

جے کوئی آکھے جو ”مَیں خُدا نال محبت رکھیندا ہاں“ پر آپنڑے بِھرا نال دُشمنڑی رکھیندے تاں او کُوڑا ہے۔ جیہڑا آپنڑے بِھرا نال جِینکُوں اُوں ڈِٹھے، محبت نئیں رکھیندا، او خُدا نال کِینویں محبت رکھ سگدے جِینکُوں اُوں نئیں ڈِٹھا؟