لُوقا 24:19 - کِتاب مُقدّس سرائیکی ترجمہ

¹⁹ اُوں اُنہاں کُوں آکھیا، ”کیا تھئے؟“ اُنہاں جواب ءچ آکھیا، ”یسُوع ناصری دا واقعہ، جیہڑا آپنڑے کم تے کلام دی وجہ کنُوں خُدا دی نِگاہ ءچ تے سارے لوکاں دے نیڑے قُدرت آلا نبی ہا۔

لُوقا 24:19 Iomraidhean Croise

متّی 21:11

بِھیڑ آکھیا ”ایہ گلیل دے شہر ناصرت دا نبی یسُوع ہے۔“

مرقس 1:24

جو ”یسُوع ناصری! ساکُوں تیڈے نال کیا کم؟ کیا تُوں ساکُوں ہلاک کرݨ آئیں؟ مَیں جانڑدا ہاں جو تُوں کوݨ ہیں؟ تُوں خُدا دا قدُّوس ہیں۔“

لُوقا 24:18

وَل او جِیندا ناں کلِیُپاس ہا، اُونکُوں آکھنڑ لگا، ”کیا تُوں یروشلیم شہر ءچ کلھا پردیسی ہیں جیہڑا نئیں جانڑدا جو اِنہاں ڈینہاں ءچ کیا تھئے؟“

لُوقا 7:16

وَل سبھ لوکاں اُتے دہشت چھا گئی تے او خُدا دی حمد کر تے آکھنڑ لگے جو ”ساڈے وچال ہِک وڈے نبی دا ظہور تھئے تے خُدا آپنڑے لوکاں اُتے نِگاہ کیتی ہے۔“

یُوحنّا 3:2

او رات دے ویلے یسُوع دے کولھ آ تے آکھنڑ لگا، ”ربّی! اساں جانڑدے ہیں جو تُساں خُدا دی طرفوں آئے ہوئے اُستاد ہیوے کیوں جو جیہڑے معجزے تُساں ڈکھیندے ہیوے، کوئی نئیں ڈِکھا سگدا جئیں تئیں خُدا اُوندے نال نہ ہووے۔“

یُوحنّا 4:19

عورت اُونکُوں آکھیا، ”مالک! میکُوں لگدے جو تُساں نبی ہیوے۔

یُوحنّا 6:14

بس لوک یسُوع دا ایہ معجزہ ڈیکھ تے آکھنڑ لگے، ”یقیناً اِیہو او نبی ہے جیہڑا دُنیا ءچ آوݨ آلا ہا۔“

یُوحنّا 7:52

اُنہاں جواب ڈِتا، ”کیا تُوں وی گلیل دے علاقے دا ہیں؟ کلام دی تحقیق کر تے ڈیکھ جو گلیل دے علاقے ءچوں کوئی نبی نہ ہوسی۔“

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

اعمال 2:22

اِسرائیلیو! سُنڑو، یسُوع ناصری ایجھا بندہ ہا جیندے ذریعے خُدا تُہاڈے وچال معجزے، عجیب کم تے نشان ڈِکھا تے ثابت کیتا جو او خُدا دی طرفوں ہا۔ تُساں آپ ای ایہ گالھ جانڑدے ہیوے۔

اعمال 7:22

تے مُوسیٰ مِصریاں دی ساری تعلیم و تربیت حاصل کیتی تے او کلام تے کم ءچ قوت آلا ہا۔