لُوقا 23:5 - کِتاب مُقدّس سرائیکی ترجمہ

⁵ پر او ضد کر تے آکھنڑ لگے جو ”او تمام یہُودیہ ءچ بلکہ گلیل تُوں گِھن تے اِتھاں تئیں لوکاں کُوں سِکھا سِکھا تے ورغلیندے۔“

لُوقا 23:5 Iomraidhean Croise

متّی 11:1

تے جِیں ویلے یسُوع آپنڑے بارہاں شاگرداں کُوں حُکم ڈے چُکیا تاں او اُتھوں روانہ تھیّا تاں جو اُنہاں دے شہراں ءچ تعلیم ڈیوے تے تبلیغ کرے۔

متّی 2:1

یسُوع، ہیرودیس بادشاہ دے زمانے ءچ یہُودیہ علاقے دے بیت لحم ءچ جمیا۔ اُوں ویلے سِجھ اُبھار تُوں مجُوسی یروشلیم ءچ ایہ پُچھدے ہوئے آئے جو

متّی 27:24

جِیں ویلے پِیلاطُس ڈِٹھا جو کُجھ نئیں بنڑدا بلکہ اُلٹا ہنگامہ تھیوݨ لگ پئے تاں اُوں پانڑی گِھن تے لوکاں دے سامنڑے آپنڑے ہتھ دھوتے، تے آکھیا، ”مَیں اِیں راستباز دے خون کنُوں بےقصُور ہاں۔ تُساں جانڑو۔“

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

مرقس 1:14

وَل یُوحنّا دے پکڑوائے ونجنڑ دے بعد یسُوع گلیل ءچ آیا تے خُدا دی بادشاہی دی خوشخبری دی تبلیغ کیتی۔

لُوقا 11:53

جِیں ویلے او اُتھوں نِکلیا تاں شریعت دے عالم تے فریسی اُوندی مخالفت کرݨ تے اُونکُوں چھیڑن لگے تاں جو او بہُوں سارے گالھیں دا ذِکر کرے،

لُوقا 23:23

پر او چیخ چیخ تے مطالبہ کرݨ لگے جو اُونکُوں صلیب اُتے چڑھایا ونجے تے اُنہاں دے چیخنڑ نال اُنہاں دی سُنڑی گئی۔

لُوقا 23:6

پِیلاطُس ایہ سُنڑیا تاں پُچھیا، ”کیا ایہ بندہ گلیلی ہے؟“

یُوحنّا 1:43

ڈُوجھے ڈینہہ یسُوع گلیل ءچ ونجنڑ دا اِرادہ کیتا تے فِلپُس کُوں آکھیا، ”میڈے پِچُھوں تھی پو۔“

یُوحنّا 19:15

بس او چیخنڑ لگے جو ”اُونکُوں گِھن وَنج! گِھن وَنج! اُونکُوں صلیب اُتے چڑھا ڈے!“ پِیلاطُس آکھیا، ”کیا مَیں تُہاڈے بادشاہ کُوں صلیب اُتے چڑھا ڈیواں؟“ سردار کاہِناں آکھیا، ”قیصر دے علاوہ ساڈا کوئی بادشاہ نئیں۔“

یُوحنّا 2:11

ایہ یسُوع دا پہلا معجزہ ہا جیہڑا اُوں گلیل دی وستی قانا ءچ ڈِکھا تے آپنڑاں جلال ظاہر کیتا تے اُوندے شاگرد اُوندے اُتے اِیمان گِھن آئے۔

یُوحنّا 7:41

کُجھ آکھیا، ”ایہ المسیح ہے“ تے کُجھ آکھیا، ”کائنا، کیا مسیح گلیل تُوں آسی؟

یُوحنّا 7:52

اُنہاں جواب ڈِتا، ”کیا تُوں وی گلیل دے علاقے دا ہیں؟ کلام دی تحقیق کر تے ڈیکھ جو گلیل دے علاقے ءچوں کوئی نبی نہ ہوسی۔“

اعمال 10:37

اُوں گالھ کُوں تُساں جانڑدے ہیوے جیہڑی یُوحنّا بپتسمہ ڈیوݨ آلے دی منادی دے بعد گلیل کنُوں گِھن تے سارے یہُودیہ ءچ مشہور تھی گئی،

اعمال 23:10

تے جِیں ویلے جھیڑا ودھ گِیا تاں پلٹن دے سپہ سالار کُوں اِیں گالھ دا ڈر لگیا جو پولُس دے ٹوٹے ٹوٹے نہ کر ڈِتے ونجنڑ، اِیں واسطے اُوں فوجیاں کُوں حُکم ڈِتا جو ”تلے ونجنڑ تے اُونکُوں اُتھوں زبردستی کڈھ تے قلعہ ءچ گِھن آوݨ۔“

اعمال 5:33

او ایہ سُنڑ تے کوڑیج گئے تے چاہندے ہَن جو اُنہاں کُوں قتل کر ڈیوݨ،

اعمال 7:54

جِیں ویلے صدر ِ عدالت آلیاں ایہ گالھیں سُنڑیاں تاں کوڑیج گئے تے اُوندے اُتے ڈند پِیہوݨ لگے۔

اعمال 7:57

ایہ سُنڑ تے اُنہاں وڈے زور نال چیخ تے آپنڑے کَن بند کر گِھدے تے کٹھے تھی تے اُوندے اُتے جھپٹے۔