لُوقا 23:22 - کِتاب مُقدّس سرائیکی ترجمہ

²² اُوں تریجھی پھیری اُنہاں کنُوں پُچھیا، ”کیوں؟ آخر اُوں کیہڑی بُرائی کیتی ہے؟ مَیں اُوندے ءچ قتل دی کوئی وجہ نئیں پاتی۔ بس مَیں اُونکُوں کُٹوا تے چھوڑ ڈیندا ہاں۔“

لُوقا 23:22 Iomraidhean Croise

لُوقا 23:14

اُنہاں کُوں آکھیا جو ”تُساں اِیں بندے کُوں ایہ آکھ تے گِھن آئے ہیوے جو ایہ لوکاں کُوں ورغلیندے۔ تے ڈیکھو مَیں خود وی تُہاڈے سامنڑے تفتیش کیتی ہے پر جیہڑے جُرم دا اِلزام تُساں اُوندے اُتے لیندے ہیوے، مَیں اُوندے ءچ ایجھی کوئی گالھ نئیں ڈیدھا۔

لُوقا 23:16

بس مَیں اُونکُوں کُٹوا تے چھوڑ ڈیندا ہاں۔“

لُوقا 23:20

پر پِیلاطُس یسُوع کُوں چھوڑ ڈیوݨ دے اِرادہ نال، اُنہاں نال وَل گالھ کیتی۔

لُوقا 23:21

پر او چیخدے ریہے جو ”اُونکُوں مصلُوب کر، مصلُوب کر!“

لُوقا 23:23

پر او چیخ چیخ تے مطالبہ کرݨ لگے جو اُونکُوں صلیب اُتے چڑھایا ونجے تے اُنہاں دے چیخنڑ نال اُنہاں دی سُنڑی گئی۔

لُوقا 23:4

پِیلاطُس سردار کاہِناں تے عوام کُوں آکھیا، ”مَیں اِیں بندے ءچ کوئی قصُور نئیں ڈیدھا۔“

1 پطرس 1:19

بلکہ ہِک بے عیب تے بے داغ لیلے یعنی مسیح دے قیمتی خون نال۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔