لُوقا 22:53 - کِتاب مُقدّس سرائیکی ترجمہ

⁵³ جِیں ویلے مَیں ہر روز ہیکل ءچ تُہاڈے نال ہم تاں تُساں میڈے اُتے ہتھ نہ پایا، پر ایہ تُہاڈی گھڑی تے اندھارے دا اِختیار ہے۔“

لُوقا 22:53 Iomraidhean Croise

متّی 21:23

جِیں ویلے یسُوع ہیکل ءچ آ تے تعلیم ڈیندا پِیا ہا تاں سردار کاہِناں تے قوم دے بزُرگاں اُوندے کولھ آ تے آکھیا، ”تُوں اِنہاں کماں کُوں کِیں اِختیار نال کریندیں؟ تے تیکُوں ایہ اِختیار کئیں ڈِتے؟“

لُوقا 22:52

وَل یسُوع سردار کاہِناں تے ہیکل دے محافظاں دے سرداراں تے بزُرگاں کُوں جیہڑے اُونکُوں گرفتار کرݨ آئے ہَن آکھیا، ”کیا مَیں کوئی ڈاکو ہاں جو تُساں تلواراں تے سوٹیاں چا تے آئے ہیوے؟

لُوقا 22:54

وَل او اُونکُوں گرفتار کر تے کاہِن ِ اعظم دے گھر گِھن گئے تے پطرس کُجھ فاصلے تے اُوندے پِچُھوں پِچُھوں ٹُردا ریہا۔

یُوحنّا 12:27

ہُنڑ میڈا دل گھبریندا ہے، بس مَیں کیا آکھاں؟ باپ! میکُوں اِیں ویلے کنُوں بچا؟ نئیں، مَیں تاں اِیں مقصد کیتے اِیں ویلے تئیں پُجیا ہاں۔

یُوحنّا 13:30

بس اُوں روٹی دا گِراں گِھدا تے فوراً باہر چلیا گِیا، تے ایہ رات دا ویلا ہا۔

یُوحنّا 14:30

اِیندے بعد مَیں تُہاڈے نال زیادہ گالھیں نہ کریساں کیوں جو اِیں دُنیا دا سردار آندا ہے۔ اُونکُوں میڈے اُتے کوئی اِختیار نئیں،

یُوحنّا 7:30

اِیں گالھ تے لوک اُونکُوں پکڑن دی کوشش کرݨ لگے پر کہیں اُوندے اُتے ہتھ نہ پایا کیوں جو اجنڑ اُوندا وقت نہ آیا ہا۔

یُوحنّا 7:45

جِیں ویلے ہیکل دے سپاہی سردار کاہِناں تے فریسیاں دے کولھ آئے تاں اُنہاں، اُنہاں کنُوں پُچھیا جو ”تُساں اُونکُوں کیوں نئیں گِھن آئے؟“

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

اِفِسیوں 6:12

کیوں جو ساکُوں خون تے گوشت دے خلاف نئیں بلکہ حُکمراناں، اِختیار آلیاں، اِیں اندھاری دُنیا دے حاکماں تے شریر رُوحانی طاقتاں دے خلاف جنگ کرنڑی ہے جیہڑیاں اسمانی جاہیں ءچ ہِن۔

کلُسِّیوں 1:13

خُدا ساکُوں اندھارے دے قبضے ءچوں چُھڑا تے آپنڑے عزیز پوتر دی بادشاہی ءچ داخل کیتے،