لُوقا 21:23 - کِتاب مُقدّس سرائیکی ترجمہ

²³ اُنہاں اُتے افسوس جیہڑیاں اُنہاں ڈینہاں ءچ حاملہ ہوسن تے جیہڑیاں کھیر پِلیندیاں ہوسن۔ کیوں جو زمین اُتے بہُوں مُصیبت تے اِیں قوم اُتے وڈا عذاب ہوسی۔

لُوقا 21:23 Iomraidhean Croise

متّی 21:16

تے یسُوع کُوں آکھیا، ”تُوں سُنڑدا پئیں جو ایہ کیا آدھے ہِن؟“ یسُوع اُنہاں کُوں آکھیا، ”ہاں۔ کیا تُساں ایہ نوِشتہ کڈھائیں نئیں پڑھیا جو ’تَیں بالاں تے کھیر پِیوݨ آلیاں دے مُنہ کنُوں وی آپنڑی حمد کروائی‘؟“

متّی 21:41

لوکاں جواب ڈِتا، ”او اُنہاں بدکاراں کُوں درد ناک موت ڈیسی تے باغ دا ٹھیکہ بئے ٹھیکیداراں کُوں ڈے ڈیسی جیہڑے موسم تے اُونکُوں پھل ڈیوݨ۔“

متّی 21:44

تے جیہڑا کوئی اِیں پتھر اُتے ڈھاسی، ٹوٹے ٹوٹے تھی ویسی پر جیندے اُتے ایہ ڈھاسی اُونکُوں پِیہہ تے رکھ ڈیسی۔“

متّی 24:19

پر اُنہاں اُتے افسوس جیہڑیاں اُنہاں ڈینہاں ءچ حاملہ ہوسن تے جیہڑیاں کھیر پِلیندیاں ہوسن!

مرقس 13:17

پر اُنہاں اُتے افسوس جیہڑیاں اُنہاں ڈینہاں ءچ حاملہ ہوسن تے جیہڑیاں کھیر پِلیندیاں ہوسن!

لُوقا 19:27

پر میڈے اِنہاں دُشمنڑاں کُوں جیہڑے نہ چاہندے ہَن جو مَیں اِنہاں اُتے بادشاہی کراں، اُنہاں کُوں اِتھاں گِھن آؤ تے میڈے سامنڑے قتل کر ڈیؤ‘۔“

لُوقا 19:43

کیوں جو او ڈینہہ تیڈے اُتے آسن جو تیڈے دُشمنڑ تیڈے خلاف مورچے بَدھ تے تیکُوں چودھارُوں گھیر گِھنسن تے ہر پاسے کنُوں تنگ کریسن۔

لُوقا 23:29

کیوں جو او ڈینہہ آوݨ آلے ہِن جِیں ویلے تُساں ایہ اکھیسو جو او بانجھ عورتاں مُبارک ہِن جِنہاں دے رِحم خالی ریہے تے او چھاتیاں جِنہاں کھیر نئیں پِلایا۔

1کُرِنتھِیوں 7:26

میڈے خیال ءچ اِیں مُصیبت دے دور ءچ تُہاڈے کیتے اِیہو چنگا ہے جو تُساں جِینویں ہیوے اُونویں ای راہو۔

1تھِسّلُنیکیوں 2:16

کیوں جو او ساکُوں غیر قوماں کُوں خُدا دا کلام سُنڑاوݨ کنُوں روکیندے ہِن تاں جو او نجات نہ پاوݨ۔ اِینویں اُنہاں دے گُناہاں دا پیالہ بھریندا راہندے۔ پر آخر خُدا دا غضب اُنہاں اُتے نازل تھی گِیا۔

عبرانیوں 13:16

تے بھلائی تے سخاوت کرݨ نہ بُھلائے کیوں جو خُدا ایجھیاں قُربانیاں کُوں پسند کریندے۔

یعقُوب 5:1

دولت مندو، سُنڑو! تُساں آپنڑے اُتے آوݨ آلیاں مُصیبتاں اُتے روو تے ماتم کرو۔

1 پطرس 4:17

کیوں جو عدالت دا ویلا آ گئے تے عدالت خُدا دے گھر آلیاں تُوں شروع تھیسی تے جڈاں عدالت ساڈے تُوں شروع تھیسی تاں اُنہاں دا انجام کیا ہوسی جیہڑے خُدا دی خوشخبری کُوں نئیں منیندے۔