لُوقا 20:6 - کِتاب مُقدّس سرائیکی ترجمہ

⁶ تے جے آکھوں ’اِنسان دی طرفوں،‘ تاں لوک ساکُوں سنگسار کریسن کیوں جو او منیندے ہِن جو یُوحنّا نبی ہا۔“

لُوقا 20:6 Iomraidhean Croise

متّی 11:9

تاں وَل تُساں کیا ڈیکھنڑ گئے ہَوے؟ کیا ہِک نبی کُوں؟ ہاں، پر مَیں تُہاکُوں آدھا ہاں جو نبی کنُوں وی وڈے کُوں۔

متّی 14:5

ہیرودیس یُوحنّا کُوں قتل کرݨ چاہندا ہا پر عوام کنُوں ڈر دا ہا کیوں جو او اُونکُوں نبی منیندے ہَن۔

متّی 21:26

پر جے آکھوں، ’اِنسان دی طرفوں،‘ تاں اساں عوام کنُوں ڈردے ہیں کیوں جو سبھ یُوحنّا کُوں نبی منیندے ہِن۔“

متّی 21:46

تے او اُونکُوں پکڑن دی کوشش ءچ ہَن پر لوکاں کنُوں ڈردے ہَن کیوں جو او اُونکُوں نبی منیندے ہَن۔

متّی 26:5

پر آکھنڑ لگے جو ”عید دے ڈینہاں ءچ نئیں، اِینویں نہ تھیوے جو لوکاں ءچ ہنگامہ تھی ونجے۔“

مرقس 12:12

اِیں تے یہُودی راہنما یسُوع کُوں پکڑن دی کوشش کرݨ لگے کیوں جو او سمجھ گئے ہَن جو ایہ مثال اُنہاں دے خلاف آکھی گئی ہے پر لوکاں دے ڈر دی وجہ کنُوں اُونکُوں چھوڑ تے چلے گئے۔

لُوقا 1:76

تے میڈے پوتر! تُوں خُدا تعالیٰ دا نبی اکھویسیں کیوں جو تُوں خُداوند دے اگُوں اگُوں ٹُر تے اُوندے رستے تیار کریسیں

لُوقا 20:5

اُنہاں آپس ءچ آکھیا جو ”جے اساں آکھوں جو ’اسمان دی طرفوں،‘ تاں او اکھیسی ’وَل تُساں اُوندا یقین کیوں نہ کیتا؟‘

لُوقا 20:7

بس اُنہاں جواب ڈِتا، ”اساں نئیں جانڑدے جو کیندی طرفوں ہا۔“

لُوقا 7:30

پر فریسیاں تے شریعت دے عالماں اُوں کنُوں بپتسمہ نہ گِھن تے آپنڑے کیتے خُدا دی مرضی کُوں رَد کر ڈِتا۔

یُوحنّا 10:41

بہُوں سارے لوک اُوندے کولھ آئے تے آکھنڑ لگے ”یُوحنّا تاں کوئی معجزہ نئیں ڈِکھایا پر جیہڑا کُجھ یُوحنّا اِیندے بارے ءچ آکھیا ہا او سچ ہا۔“

اعمال 5:26

وَل ہیکل دے محافظاں دا سردار آپنڑے سپاہیاں نال وَنج تے اُنہاں کُوں گِھن آیا پر زور نال نئیں کیوں جو لوکاں کنُوں ڈردے ہَن جو ساکُوں سنگسار نہ کرݨ۔