لُوقا 20:5 - کِتاب مُقدّس سرائیکی ترجمہ

⁵ اُنہاں آپس ءچ آکھیا جو ”جے اساں آکھوں جو ’اسمان دی طرفوں،‘ تاں او اکھیسی ’وَل تُساں اُوندا یقین کیوں نہ کیتا؟‘

لُوقا 20:5 Iomraidhean Croise

متّی 16:7

او آپس ءچ بحث کرݨ لگ گئے جو ”اساں روٹی نئیں گِھن آئے اِیں واسطے او آدھے ہوسن۔“

متّی 21:25

یُوحنّا دا بپتسمہ کِتھوں ہا؟ اسمان دی طرفوں یا اِنسان دی طرفوں؟“ او آپس ءچ تکرار کرݨ لگے، ”جے اساں آکھوں جو، ’اسمان دی طرفوں‘ تاں او ساکُوں اکھیسی ’وَل تُساں اُوندا یقین کیوں نہ کیتا؟‘

لُوقا 20:4

یُوحنّا دا بپتسمہ اسمان دی طرفوں ہا یا اِنسان دی طرفوں؟“

لُوقا 20:6

تے جے آکھوں ’اِنسان دی طرفوں،‘ تاں لوک ساکُوں سنگسار کریسن کیوں جو او منیندے ہِن جو یُوحنّا نبی ہا۔“

یُوحنّا 1:30

ایہ اُوہو ہے جیندے بارے ءچ مَیں آکھیا ہا جو ’میڈے بعد ہِک بندہ آوݨ آلا ہے جیہڑا مَیں کنُوں افضل ہے اِیں واسطے جو او مَیں کنُوں پہلے ای موجود ہا۔‘

یُوحنّا 1:34

بس مَیں ڈِٹھے تے گواہی ڈِتی ہے جو ایہ خُدا دا پوتر ہے۔“

یُوحنّا 3:26

اِیں واسطے او یُوحنّا دے کولھ آ تے آکھنڑ لگے، ”ربّی! او بندہ جیہڑا یردن دے پار تیڈے نال ہا تے جیندے بارے ءچ تُوں گواہی ڈِتی ہئی، ڈیکھ او وی بپتسمہ ڈیندا ہے تے سبھ اُوندے کولھ آندے ہِن۔“

یُوحنّا 3:36

جیہڑا پوتر اُتے اِیمان گِھن آندے، ہمیشاں دی زندگی اُوندی ہے، پر جیہڑا پوتر دی نئیں منیندا، او زندگی کُوں نہ ڈیکھسی بلکہ اُوندے اُتے خُدا دا غضب راہسی۔

اعمال 13:25

جِیں ویلے یُوحنّا دا کم پُورا تھیوݨ آلا ہا تاں اُوں آکھیا جو ’تُساں میکُوں کیا سمجھدے ہیوے؟ مَیں او نئیں بلکہ ڈیکھو میڈے بعد او بندہ آوݨ آلا ہے جیندے پیراں دی جُتیاں دا تسمہ مَیں کھولنڑ دے لائق نئیں۔‘