لُوقا 2:4 - کِتاب مُقدّس سرائیکی ترجمہ

⁴ اِیں واسطے یُوسف وی گلیل دے شہر ناصرت تُوں یہُودیہ ءچ داؤد دے شہر بیت لحم کُوں گِیا، کیوں جو او داؤد دے گھرانڑے تے اولاد ءچوں ہا۔

لُوقا 2:4 Iomraidhean Croise

متّی 1:20

او اِنہاں گالھیں دے بارے ءچ سوچیندا ای پِیا ہا جو رب دے فرشتے اُونکُوں خواب ءچ نظر آ تے آکھیا، ”یُوسف! داؤد دے پوتر، آپنڑی ذال مریم کُوں آپنڑے کولھ گِھن آوݨ تُوں نہ ڈر، کیوں جو جیہڑا اُوندے پیٹ ءچ ہے او رُوح القُدس دی قُدرت نال ہے۔

متّی 2:23

اُتھاں پُج تے ناصرت ناں دے شہر ءچ راہنڑ لگا۔ تے جیہڑی گالھ نبی دی معرفت فرمائی گئی ہئی او پُوری تھئی جو ”او ناصری اکھویسی۔“

لُوقا 2:3

تے سبھ لوک ناں لِکھواوݨ کیتے آپنڑے آپنڑے شہر کُوں گئے۔

لُوقا 2:5

تاں جو آپنڑی منگیتر مریم نال جیہڑی حاملہ ہئی، ناں لِکھواوے۔

لُوقا 4:16

وَل یسُوع ناصرت ءچ آیا جِتھاں او پلیا ہا تے آپنڑے دستور دے مطابق سبت دے ڈینہہ عبادت خانہ ءچ گِیا تے تلاوت کرݨ کیتے کھڑا تھیّا۔

یُوحنّا 1:46

نتن ایل پُچھیا، ”کیا ناصرت ءچوں کوئی چنگی چیز نِکل سگدی ہے؟“ فِلپُس آکھیا، ”جُل تے خود ای ڈیکھ گِھن۔“

یُوحنّا 7:42

کیا خُدا دے کلام ءچ ایہ نئیں لِکھیا جو المسیح داؤد دی نسل تے بیت لحم دی وستی ءچوں آسی، جیہڑا داؤد دا شہر ہا؟“