لُوقا 2:14 - کِتاب مُقدّس سرائیکی ترجمہ

¹⁴ ”سبھ تُوں اُچے اسمان اُتے خُدا دی تمجید ہووے تے زمین اُتے اُنہاں آدمیاں نال صُلح جِنہاں تُوں او خوش ہے۔“

لُوقا 2:14 Iomraidhean Croise

متّی 21:9

تے بِھیڑ جیہڑی اُوندے اگُوں تے پِچُھوں ٹُردی پئی ہئی نعرے مار مار تے آدھی ہئی، ”اِبنِ داؤد دی تمجید ہووے۔ مُبارک ہے او جیہڑا رب العالمین دے ناں کنُوں آندے۔ سبھ تُوں اُچے اسمان اُتے خُدا دی تمجید ہووے۔“

لُوقا 1:79

تاں جو اُنہاں کُوں جیہڑے اندھارے تے موت دی چھاں ءچ بیٹھے ہَن روشنی بخشے تے ساڈے پیراں کُوں سلامتی دے رستے اُتے ٹورے۔“

لُوقا 19:38

جو ”مُبارک ہے او بادشاہ جیہڑا رب العالمین دے ناں کنُوں آندا ہے۔ اسمان اُتے صُلح تے سبھ تُوں اُچے اسمان اُتے خُدا دا جلال!“

لُوقا 2:13

یک دم فرشتیاں دا ہِک گروہ اُوں فرشتہ نال خُدا دی تعریف کریندا تے ایہ آدھا ظاہر تھیّا جو

لُوقا 2:15

جِیں ویلے فرشتے اُنہاں کولُھوں اسمان اُتے چلے گئے تاں آجڑیاں آپس ءچ آکھیا، ”آؤ بیت لحم تئیں جُلوں تے ایہ گالھ جیہڑی تھئی ہے تے جیندی خُداوند ساکُوں خبر ڈِتی ہے، ڈیکھوں۔“

لُوقا 3:22

تے رُوح القُدس جِسمانی صورت ءچ کبوتر وانگُوں اُوندے اُتے نازل تھیّا تے اسمان کنُوں اواز آئی جو ”تُوں میڈا پیارا پوتر ہیں، تَیں کنُوں مَیں بہُوں خوش ہاں۔“

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

یُوحنّا 17:4

مَیں اُوں کم کُوں جیہڑا تَیں میکُوں کرݨ کیتے ڈِتا ہا، پُورا کر تے زمین اُتے تیڈا جلال ظاہر کر ڈِتے۔

یُوحنّا 3:16

کیوں جو خُدا دُنیا نال ایجھی محبت کیتی جو اُوں آپنڑا اِکلوتا پوتر بخش ڈِتا تاں جو جیہڑا کوئی اُوندے اُتے اِیمان گِھن آوے، ہلاک نہ تھیوے بلکہ ہمیشاں دی زندگی پاوے۔

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

رومیوں 5:1

بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

اِفِسیوں 1:6

تاں جو اُوندے اُوں جلال آلے فضل دی حمد ہووے، جیہڑا اُوں آپنڑے عزیز پوتر دے وسیلے نال ساکُوں مُفت بخشیا۔

اِفِسیوں 1:9

تے خُدا آپنڑی مرضی دے راز کُوں آپنڑی خوشی دے مطابق ساڈے اُتے ظاہر کر ڈِتا، جِیندا اُوں مسیح ءچ پُورا کرݨ دا اِرادہ کیتا ہا،

اِفِسیوں 2:4

پر خُدا جیہڑا بہُوں ای رحم کرݨ آلا ہے، اُوں ساڈے نال ایجھی محبت رکھی جو

اِفِسیوں 2:7

تاں جو او آپنڑی اُوں مہربانی دے وسیلے جیہڑی مسیح یسُوع ءچ ساڈے اُتے تھئی ہے، آوݨ آلے زمانیاں ءچ آپنڑے حد کنُوں زیادہ فضل دی دولت کُوں ظاہر کرے۔

فِلِپّیوں 2:11

تے ہر زبان خُدا باپ دے جلال کیتے اِقرار کرے جو یسُوع مسیح ای خُداوند ہے۔

فِلِپّیوں 2:13

کیوں جو او خُدا ای ہے جیہڑا تُہاڈے ءچ آپنڑا نیک اِرادہ پُورا کرݨ دی نیّت تے طاقت پیدا کریندے۔

کلُسِّیوں 1:20

اُوندی ایہ مرضی ہئی جو مسیح دے وسیلے سبھ چیزاں نال آپنڑی صُلح کر گِھنے بھانویں او اسمان دیاں ہووݨ یا زمین دیاں۔ اُوں مسیح دے خون دے وسیلے جیہڑا صلیب اُتے وہایا گِیا صُلح سلامتی قائم کیتی۔

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

مُکاشفہ 5:13

وَل مَیں اسمان تے زمین اُتے، تے زمین دے تلے تے سمندر دی ساری مخلوق کُوں یعنی سبھ شیواں کُوں جیہڑیاں اُنہاں ءچ ہِن، ایہ آدھے ہوئے سُنڑیا جو ”جیہڑا تخت اُتے بیٹھا ہے، اُوندی تے لیلے دی تمجید، عزت، جلال تے قُدرت ہمیشاں تئیں راہوے۔“