لُوقا 19:12 - کِتاب مُقدّس سرائیکی ترجمہ

¹² بس اُوں آکھیا: ”ہِک امیر بندہ دُور دراز مُلک کُوں روانہ تھیّا تاں جو آپنڑے لوکاں دا بادشاہ مقرر تھیوے تے وَل آوے۔

لُوقا 19:12 Iomraidhean Croise

متّی 21:38

پر جِیں ویلے ٹھیکیداراں اُوندے پوتر کُوں ڈِٹھا تاں آپس ءچ آکھنڑ لگے، ’اِیہو وارث ہے۔ آؤ اِینکُوں قتل کر تے اِیندی جائیداد اُتے قبضہ کر گِھنوں۔‘

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

مرقس 12:1

وَل یسُوع اُنہاں نال مثالاں ءچ گالھیں کرݨ لگا جو ”ہِک بندے انگُوراں دا باغ رہایا تے اُوندے چودھارُوں واڑ ڈِتی تے انگُوراں دا رَس کڈھنڑ کیتے ہِک حوض کھٹیا تے چوکیداری کیتے ہِک بُرج بنڑایا۔ وَل او انگُوراں دا باغ ٹھیکیداراں کُوں کاشتکاری کیتے ڈے تے خود پردیس چلیا گِیا۔

مرقس 16:19

خُداوند یسُوع اُنہاں نال کلام کرݨ تُوں بعد اسمان اُتے چا گِھدا گِیا تے خُدا دے سجے پاسُوں بہہ گِیا۔

لُوقا 20:9

وَل اُوں لوکاں کُوں ایہ مثال آکھنڑ شروع کیتی جو: ”ہِک بندے انگُوراں دا باغ رہایا تے ٹھیکیداراں کُوں کاشتکاری کیتے ڈِتا تے ہِک لمبے عرصہ کیتے پردیس چلیا گِیا۔

لُوقا 24:51

تے جِیں ویلے او برکت ڈیندا پِیا ہا تاں اُنہاں کنُوں اَنج تھی گِیا تے اسمان اُتے چا گِھدا گِیا۔

یُوحنّا 18:37

پِیلاطُس اُونکُوں آکھیا، ”بس کیا تُوں بادشاہ ہیں؟“ یسُوع جواب ڈِتا، ”تُوں خود آدھیں جو مَیں بادشاہ ہاں۔ مَیں اِیں واسطے پیدا تھیّا تے اِیں مقصد نال دُنیا ءچ آیا ہاں جو سچائی دی گواہی ڈیواں۔ جیہڑا کوئی سچائی دا طرفدار ہے، او میڈی اواز سُنڑدے۔“

اعمال 17:31

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

1کُرِنتھِیوں 15:25

کیوں جو مسیح کُوں اُوں ویلے تئیں بادشاہی کرݨ ضرور ہے جئیں تئیں او سارے دُشمنڑاں کُوں آپنڑے پیراں تلے نہ کر گِھنے۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“