لُوقا 18:9 - کِتاب مُقدّس سرائیکی ترجمہ

⁹ وَل یسُوع کُجھ لوکاں کُوں جیہڑے آپنڑے آپ کُوں بہُوں راستباز سمجھدے ہَن تے ڈُوجھیاں کُوں کم تر جانڑدے ہَن، ایہ مثال سُنڑائی:

لُوقا 18:9 Iomraidhean Croise

لُوقا 10:29

پر اُوں آپنڑے آپ کُوں راستباز ثابت کرݨ کیتے یسُوع کنُوں پُچھیا، ”تے میڈا ہمسایہ کوݨ ہے؟“

لُوقا 15:2

تے فریسی تے شریعت دے عالم شکایت کر تے آدھے ہَن جو ”ایہ بندہ گُنہگاراں کُوں مِلدے تے اُنہاں دے نال کھانڑا کھاندے۔“

لُوقا 16:15

یسُوع اُنہاں کُوں آکھیا جو ”تُساں او ہیوے جیہڑے لوکاں دے سامنڑے آپنڑے آپ کُوں راستباز ظاہر کریندے ہیوے پر خُدا تُہاڈے دِلاں دی حالت کنُوں واقف ہے کیوں جو جیہڑی چیز آدمیاں دی نِگاہ ءچ اعلیٰ ہے او خُدا دے حضُور مکرُوہ ہے۔

لُوقا 18:11

فریسی کھڑا تھی تے آپنڑے دل ءچ اِینویں دُعا کرݨ لگا جو ’اے خُدا! مَیں تیڈا شُکر کریندا ہاں جو مَیں ڈُوجھے آدمیاں وانگُوں ظالم، بے اِنصاف، زِنا کار یا اِیں محصُول گِھننڑ آلے وانگُوں نئیں۔

لُوقا 19:7

جِیں ویلے لوکاں ایہ ڈِٹھا تاں سبھ بُڑبُڑ کرݨ لگے جو ”ایہ ہِک گُنہگار دا مہمان بنڑ گِیا ہے۔“

لُوقا 7:39

جئیں فریسی یسُوع دی دعوت کیتی ہئی او ایہ ڈیکھ تے آپنڑے دل ءچ آکھنڑ لگا جو ”جے ایہ بندہ نبی ہوندا تاں جاݨ گِھندا جو جیہڑی اُونکُوں ہتھ لیندی پئی ہے او کوݨ تے کیجھی عورت ہے، او تاں بدکار ہے۔“

یُوحنّا 8:48

یہُودیاں جواب ءچ اُونکُوں آکھیا، ”کیا اساں ٹھیک نہ آدھے ہاسے جو تُوں سامری ہیں تے تیڈے ءچ بدرُوح ہے؟“

یُوحنّا 9:28

او اُونکُوں بُرا بھلا آکھنڑ لگے جو، ”تُوں ای اُوندا شاگرد ہوسیں، اساں تاں مُوسیٰ دے شاگرد ہیں۔

یُوحنّا 9:34

اُنہاں جواب ءچ آکھیا، ”تُوں تاں جمیّا ای گُناہ ءچ ہیں، تُوں ساکُوں کیا سکھیندیں؟“ تے اُنہاں اُونکُوں عبادت خانہ تُوں باہر کڈھ ڈِتا۔

اعمال 22:21

خُداوند میکُوں آکھیا، ’وَنج مَیں تیکُوں غیر قوماں دے کولھ بہُوں دُور بھجیساں‘۔“

رومیوں 10:3

او اُوں راستبازی کنُوں واقف نہ ہَن جیہڑی خُدا دی طرفوں ہے بلکہ خود آپنڑی راستبازی کُوں قائم کرݨ دی کوشش کریندے ریہے، اِیں واسطے او خُدا دی راستبازی دے تابع نہ تھئے۔

رومیوں 14:10

وَل تُوں آپنڑے بِھرا اُتے کیوں اِلزام لیندیں، یا اُونکُوں کیوں حقیر سمجھدیں؟ اساں تاں سارے دے سارے خُدا دے تختِ عدالت دے سامنڑے حاضر کیتے ویسوں۔

رومیوں 14:3

ہر چیز دے کھاوݨ آلا پرہیز کرݨ آلے کُوں کم تر نہ سمجھے تے پرہیز کرݨ آلا کھاوݨ آلے اُتے اِلزام نہ لاوے کیوں جو اُونکُوں خُدا قبول کر گِھدے۔

رومیوں 7:9

ہِک وقت ہا جو مَیں شریعت دے بغیر زندگی گُزریندا ہم پر جِیں ویلے حُکم آیا تاں گُناہ زندہ تھی گِیا تے مَیں مر گِیا۔