لُوقا 18:7 - کِتاب مُقدّس سرائیکی ترجمہ

⁷ تاں وَل کیا خُدا آپنڑے چُنڑے ہوئے لوکاں دا اِنصاف نہ کریسی جیہڑے ڈینہہ رات اُوں کنُوں فریاد کریندے ہِن؟ تے کیا او اُنہاں دی مدد ءچ دیر کریسی؟

لُوقا 18:7 Iomraidhean Croise

متّی 24:22

جے او ڈینہہ گھٹ نہ کیتے ویندے تاں کوئی بندہ زندہ نہ بچدا، پر خُدا دے چُنڑے ہوئے لوکاں دی خاطر او ڈینہہ گھٹائے ویسن۔

متّی 24:24

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

متّی 7:11

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ، آپنڑے منگنڑ آلیاں کُوں چنگیاں چیزاں کیوں نہ ڈیسی؟

لُوقا 11:13

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ آپنڑے منگنڑ آلیاں کُوں رُوح القُدس کیوں نہ ڈیسی؟“

لُوقا 2:37

او چُوراسی (84) سال کنُوں بیوہ ہئی، تے ہیکل ءچوں نہ نِکلدی ہئی بلکہ ڈینہہ رات روزہ رکھ تے دُعا تے عبادت کریندی راہندی ہئی۔

لُوقا 21:28

جِیں ویلے ایہ گالھیں تھیوݨ لگنڑ تاں سِدھے کھڑے تھی تے آپنڑی نِگاہ اُتے کرائے کیوں جو تُہاڈی رہائی نیڑے ہے۔“

رومیوں 8:33

کوݨ خُدا دے چُنڑے ہوئے لوکاں اُتے اِلزام لا سگدے؟ خُدا آپ اُنہاں کُوں راستباز بنڑیندے۔

کلُسِّیوں 3:12

تُساں خُدا دے چُنڑے ہوئے، پاک تے عزیز لوک ہیوے، اِیں واسطے رحم، ہمدردی، فروتنی، نرمی تے صبر دے کپڑے پا گِھنو۔

1تھِسّلُنیکیوں 3:10

اساں ڈینہہ رات بہُوں دُعا کریندے ہیں جو تُہاکُوں مِلُوں تے تُہاڈے اِیمان دی کمی کُوں پُورا کر ڈیؤں۔

2تھِسّلُنیکیوں 1:6

خُدا دی نظر ءچ ایہ اِنصاف ہے جو او تُہاکُوں ڈُکھ ڈیوݨ آلیاں کُوں بدلے ءچ ڈُکھ ڈیوے،

1 تِیمُتھِیُس 5:5

جیہڑی عورت واقعی ضرورت مند بیوہ ہے تے جِیندا کوئی نئیں، او خُدا اُتے اُمید رکھیندی ہے تے ڈینہہ رات خُدا کنُوں مدد منگدی تے دُعا کریندی ہے۔

2 تِیمُتھِیُس 1:3

مَیں خُدا دا شُکر ادا کریندا ہاں جیندی عبادت مَیں آپنڑے پِیُو ڈاڈے دی طرحاں نیک نیّتی نال کریندا ہاں، تے تیکُوں ڈینہہ رات آپنڑیاں دُعاواں ءچ یاد کریندا ہاں۔

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

طِطُس 1:1

ایہ خط میں پولُس دی طرفوں ہے جیہڑا خُدا دا خادم تے یسُوع مسیح دا رسُول ہاں۔ میں اِیں واسطے مقرر کیتا گِیا تاں جو خُدا دے چُنڑے ہوئے لوک اِیمان ءچ تے اُوں سچائی دی پچھاݨ ءچ ترقی کرݨ جیہڑی دیندار زندگی دو گِھن ویندی ہے،

1 پطرس 1:1

ایہ خط میں پطرس دی طرفوں ہے جیہڑا یسُوع مسیح دا رسُول ہاں، خُدا دے اُنہاں چُنڑے ہوئے لوکاں دے ناں جیہڑے پردیسیاں آلی کار پُنطُس، گلِتیہ، کپَدُکیہ، آسِیہ تے بتُھنیہ ءچ جاہ جاہ تے راہندے ہِن۔

2 پطرس 3:9

خُداوند آپنڑا وعدہ پُورا کرݨ ءچ دیر نئیں کریندا جِینویں کُجھ لوک سمجھدے ہِن، بلکہ او تُہاڈے کیتے صبر کریندے، کیوں جو او کہیں دی ہلاکت نئیں چاہندا بلکہ چاہندے جو ہر کوئی توبہ کرے۔

مُکاشفہ 18:20

”اسمانو اُوندی تباہی اُتے خوشی مناؤ مُقدّسو، رسُولو تے نبیو خوشی مناؤ کیوں جو خُدا تُہاڈے حق ءچ فیصلہ کر تے اُوندی عدالت کیتی ہے۔“

مُکاشفہ 6:10

اُنہاں اُچی اواز ءچ آکھیا، ”اے مالک! قدُّوس تے سچے خُدا، تُوں کڈݨ تئیں زمین آلیاں دی عدالت نہ کریسیں تے اُنہاں کنُوں ساڈے خون دا بدلہ نہ گِھنسیں؟“

مُکاشفہ 7:15

اِیں واسطے او خُدا دے تخت دے سامنڑے حاضر ہِن تے ڈینہہ رات اُوندی ہیکل ءچ اُوندی عبادت کریندے ہِن تے او جیہڑا تخت اُتے بیٹھے، اُنہاں ءچ سکونت کریسی۔