لُوقا 18:13 - کِتاب مُقدّس سرائیکی ترجمہ

¹³ پر محصُول گِھننڑ آلے دُور کھڑ تے اسمان دو نِگاہ وی نہ کیتی بلکہ چھاتی پِٹ پِٹ تے آکھیا، ’اے خُدا! مَیں گُنہگار اُتے رحم کر۔‘

لُوقا 18:13 Iomraidhean Croise

متّی 10:3

فِلپُس تے بَرتُلمائی، توما تے متّی محصُول گِھننڑ آلا،

متّی 6:5

تے جِیں ویلے تُساں دُعا کرو تاں منافقاں آلی کار نہ کرو۔ او عبادت خانیاں تے بازاراں دے چوکاں ءچ کھڑے تھی تے دُعا کرݨ پسند کریندے ہِن تاں جو لوک اُنہاں کُوں ڈیکھنڑ۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

متّی 9:13

پر تُساں وَنج تے اِیندا مطلب پتہ کرو جو ’مَیں قُربانی نئیں بلکہ رحم پسند کریندا ہاں۔‘ کیوں جو مَیں راستبازاں کُوں نئیں بلکہ گُنہگاراں کُوں سڈݨ آیا ہاں۔“

مرقس 11:25

جِیں ویلے تُساں دُعا کیتے کھڑے تھیندے ہیوے، جے تُہاکُوں کہیں کنُوں کُجھ شِکوہ ہے تاں اُونکُوں معاف کر ڈیؤ تاں جو تُہاڈا اسمانی باپ وی تُہاڈے گُناہ بخش ڈیوے۔

لُوقا 17:12

تے ہِک وستی ءچ داخل تھیندے ویلے اُونکُوں ڈاہ کوڑھی مِلے۔

لُوقا 22:41

تے او اُنہاں کنُوں اِتنے فاصلے تے گِیا جِتنی دُور تئیں پتھر سٹیا وَنج سگدے تے گوڈے ٹیک تے اِینویں دُعا کرݨ لگا جو

لُوقا 23:48

تے سبھ لوک جیہڑے اُتھاں جمع ہَن ایہ سبھ ڈیکھ تے چھاتی پِٹدے ہوئے پِچُھوں وَل گئے۔

لُوقا 5:8

شمعون پطرس ایہ ڈیکھ تے یسُوع دے پیراں اُتے ڈھٹھا تے آکھیا، ”مالک! میڈے کولُھوں چلے ونجو کیوں جو مَیں گُنہگار بندہ ہاں۔“

اعمال 2:37

جِیں ویلے اُنہاں ایہ سُنڑیا تاں اُنہاں دے دِلاں کُوں ڈُکھ لگیا تے پطرس تے باقی رسُولاں کُوں آکھیا جو ”بِھراؤ! اساں کیا کرُوں؟“

رومیوں 5:8

پر خُدا ساڈے اُتے آپنڑی محبت اِینویں ظاہر کیتی جو جِیں ویلے اساں گُنہگار ای ہسے تاں مسیح ساڈی خاطر آپنڑی جان ڈِتی۔

2کُرِنتھِیوں 7:11

بس ڈیکھو، او ڈُکھ جیہڑا خُدا دے مقصد دے مطابق ہا، اُوں تُہاڈے ءچ کتنا جوش، آپنڑا دفاع کرݨ دا کِتنا شوق، کِتنی ناراضگی، کِتنا ڈر، کِتنی سِک تے کِتنی غیرت پیدا کر ڈِتی تے سزا ڈیوݨ دی کِتنی تیاری۔ تُساں ہر لحاظ نال ثابت کر ڈِتے جو تُساں اِیں معاملے ءچ بے قصُور ہیوے۔

1 تِیمُتھِیُس 1:15

ایہ گالھ سچ تے ہر لحاظ نال قبول کرݨ دے لائق ہے جو ”مسیح یسُوع گُنہگاراں کُوں نجات ڈیوݨ کیتے دُنیا ءچ آیا،“ جِنہاں ءچوں سبھ تُوں وڈا گُنہگار مَیں ہاں۔

عبرانیوں 4:16

اِیں واسطے اساں خُدا دے فضل دے تخت دے کولھ دلیری نال جُلوں تاں جو او ساڈے اُتے رحم کرے تے اساں اُوں فضل کُوں حاصل کرُوں جیہڑا ضرورت ویلے ساڈی مدد کرے۔

عبرانیوں 8:12

مَیں اُنہاں دے قصُور معاف کریساں تے اُنہاں دے گُناہ ولا یاد نہ کریساں۔“