لُوقا 16:3 - کِتاب مُقدّس سرائیکی ترجمہ

³ اُوں مُنشی آپنڑے دل ءچ آکھیا جو ’مَیں کیا کراں کیوں جو میڈا مالک میکُوں میڈے کم تُوں کڈھیندا پئے؟ مِٹی تاں مَیں کنُوں کھودی نئیں ویندی تے شرم کنُوں بِھیک وی نئیں منگ سگدا۔

لُوقا 16:3 Iomraidhean Croise

متّی 20:8

جِیں ویلے شام تھئی تاں انگُوراں دے باغ دے مالک آپنڑے مُنشی کُوں آکھیا، ’آخر ءچ کم اُتے کھڑائے ہوئے مزدُوراں کنُوں گِھن تے پہلے تئیں سبھ کُوں سڈ تے اُنہاں دی مزدُوری ڈے چا۔‘

مرقس 10:46

وَل او یرِیحُو ءچ آئے۔ تے جِیں ویلے یسُوع تے اُوندے شاگرد تے ہِک وڈی بِھیڑ یرِیحُو ءچوں نِکلدی پئی ہئی تاں اُتھاں تمائی دا پوتر برتِمائی جیہڑا ہِک اندھا فقیر ہا، رستے دے کنارے بیٹھا ہا۔

لُوقا 12:17

بس او آپنڑے دل ءچ سوچ تے آکھنڑ لگا جو ’مَیں کیا کراں کیوں جو میڈے کولھ جاہ نئیں جِتھاں آپنڑی پیداوار بھر رکھاں؟‘

لُوقا 16:2

بس اُوں، اُونکُوں سڈ تے آکھیا جو ’ایہ کیا ہے جیہڑا مَیں تیڈے بارے ءچ سُنڑدا پِیا ہاں؟ سارا حساب کتاب میکُوں ڈے، کیوں جو ہُنڑ کنُوں تُوں میڈا مُنشی نئیں رہ سگدا۔‘

لُوقا 16:20

تے لعزر ناں دا ہِک غریب، جیہڑا ناسُوراں نال بھریا ہویا، اُوندے دروازے اُتے سَٹ ڈِتا گِیا ہا۔

لُوقا 16:22

اِینویں تھیّا جو او غریب مر گِیا تے فرشتیاں اُونکُوں گِھن تے ابرہام دی جھولی ءچ پُچا ڈِتا تے امیر بندہ وی مر گِیا تے دفن تھیّا۔

لُوقا 16:4

مَیں سمجھ گِیا جو کیا کراں تاں جو جِیں ویلے مُختاری تُوں کڈھیا وَنجاں تاں لوک میکُوں آپنڑے گھراں ءچ جاہ ڈیوݨ۔‘

لُوقا 18:4

شروع ءچ تاں قاضی اِنکار کیتا پر آخر اُوں آپنڑے دل ءچ آکھیا، ’سچ ہے جو مَیں نہ خُدا کنُوں ڈردا ہاں تے نہ کہیں اِنسان دی پرواہ کریندا ہاں۔

یُوحنّا 9:8

بس ہمسائے تے ڈُوجھے لوک جِنہاں پہلے اُونکُوں منگدے ڈِٹھا ہا، آکھنڑ لگے، ”کیا ایہ اُوہو بندہ نئیں جیہڑا بیٹھا منگدا ہوندا ہا؟“

اعمال 3:2

اُوں ویلے لوک ہِک بندے کُوں جیہڑا جماندرُو مَنڈا ہا، چاتی آندے ہَن۔ او اُونکُوں اندر ونجنڑ آلیاں کنُوں خیرات منگنڑ کیتے ہر روز ہیکل دے دروازے اُتے جیہڑا خُوبصُورت اکھویندا ہے، چھوڑ ویندے ہَن۔

اعمال 9:6

ہُنڑ اُٹھی تے شہر ءچ وَنج تے جیہڑا تیکُوں کرنڑا چاہیدے، او تیکُوں ڈسا ڈِتا ویسی۔“

2تھِسّلُنیکیوں 3:11

اساں سُنڑیا ہے جو تُہاڈے ءچ کُجھ ایجھے وی ہِن جیہڑے آلسی ہِن۔ او خود تاں کُجھ کریندے نئیں بلکہ ڈُوجھیاں دے کم ءچ دَخل ڈیندے ہِن۔