لُوقا 16:2 - کِتاب مُقدّس سرائیکی ترجمہ

² بس اُوں، اُونکُوں سڈ تے آکھیا جو ’ایہ کیا ہے جیہڑا مَیں تیڈے بارے ءچ سُنڑدا پِیا ہاں؟ سارا حساب کتاب میکُوں ڈے، کیوں جو ہُنڑ کنُوں تُوں میڈا مُنشی نئیں رہ سگدا۔‘

لُوقا 16:2 Iomraidhean Croise

متّی 12:36

تے مَیں تُہاکُوں آدھا ہاں جو عدالت دے ڈینہہ لوکاں کُوں ہر نکمی گالھ دا حساب ڈیونڑاں پوسی۔

متّی 20:8

جِیں ویلے شام تھئی تاں انگُوراں دے باغ دے مالک آپنڑے مُنشی کُوں آکھیا، ’آخر ءچ کم اُتے کھڑائے ہوئے مزدُوراں کنُوں گِھن تے پہلے تئیں سبھ کُوں سڈ تے اُنہاں دی مزدُوری ڈے چا۔‘

لُوقا 12:20

پر خُدا اُونکُوں آکھیا، ’نادان! اِیں رات تیڈی جان تَیں کنُوں گِھن گِھدی ویسی۔ وَل جیہڑا کُجھ تَیں جمع کیتے، او کِیندا ہوسی؟‘

لُوقا 12:42

خُداوند آکھیا، ”او دیانتدار تے عقلمند مُنشی کیہڑا ہے جِینکُوں اُوندا مالک آپنڑے گھر دے نوکراں چاکراں اُتے مقرر کرے جو او اُنہاں دی خوراک ٹھیک ویلے اُتے ونڈیندا راہوے؟

لُوقا 16:1

وَل یسُوع شاگرداں کُوں آکھیا جو ”کہیں امیر بندے دا ہِک مُنشی ہا۔ لوکاں اُوندے مالک کولھ اُوندی شکایت کیتی جو او تیڈا مال ضائع کریندے۔

لُوقا 16:3

اُوں مُنشی آپنڑے دل ءچ آکھیا جو ’مَیں کیا کراں کیوں جو میڈا مالک میکُوں میڈے کم تُوں کڈھیندا پئے؟ مِٹی تاں مَیں کنُوں کھودی نئیں ویندی تے شرم کنُوں بِھیک وی نئیں منگ سگدا۔

رومیوں 14:12

بس ساڈے ءچوں ہر ہِک کُوں خُدا دے سامنڑے آپنڑا حساب ڈیونڑا پوسی۔

1کُرِنتھِیوں 1:11

میڈے بِھراؤ! خلوئے دے گھر آلیاں میکُوں خبر ڈِتی ہے جو تُہاڈے ءچ جھیڑے تھیندے پئے ہِن۔

1کُرِنتھِیوں 4:2

ایہ ضروری ہے جو مُختار دیانتدار ہووے۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

2کُرِنتھِیوں 5:10

کیوں جو اساں ساریاں کُوں مسیح دے تختِ عدالت دے سامنڑے حاضر تھیونڑاں ہے تاں جو ہر بندہ آپنڑے کماں دا بدلہ پاوے جیہڑے اُوں آپنڑے بدن ءچ راہندے ہوئے کیتے ہِن، بھانویں چنگے ہِن یا بُرے۔

1 تِیمُتھِیُس 4:14

اُوں نعمت تُوں غافل نہ رہ جیہڑی تیکُوں پیشن گوئی دے ذریعے مِلی جڈاں جماعت دے بزُرگاں تیڈے اُتے آپنڑے ہتھ رکھے۔

1 تِیمُتھِیُس 5:24

کُجھ لوکاں دے گُناہ اُنہاں دے عدالت ءچ حاضر تھیوݨ کنُوں پہلے ای ظاہر تھی ویندے ہِن تے کُجھ دے بعد ءچ۔

1 پطرس 4:10

خُدا ہر ہِک کُوں کوئی نہ کوئی نعمت عطا کیتی ہے۔ اِیں واسطے اِنہاں مختلف نعمتاں کُوں خُدا دے چنگے مُختار آلی کار ہِک ڈُوجھے دی خدمت کرݨ ءچ اِستعمال کرو۔

1 پطرس 4:5

پر اُنہاں کُوں اُونکُوں حساب ڈیونڑا پوسی جیہڑا زندیاں تے مُردیاں دی عدالت کرݨ کُوں تیار ہے۔

مُکاشفہ 20:12

تے مَیں چھوٹے وڈے سارے مُردیاں کُوں تخت دے سامنڑے کھڑے ڈِٹھا تے کتاباں کھولیاں گئیاں۔ وَل ہِک بئی کتاب وی کھولی گئی جیہڑی کتاب ِ حیات ہے۔ تے ساریاں مُردیاں دی عدالت اُنہاں دے اعمال دے مطابق کیتی گئی جیہڑے اُنہاں کتاباں ءچ لِکھے ہَن۔