لُوقا 15:8 - کِتاب مُقدّس سرائیکی ترجمہ

⁸ یا جے کہیں عورت دے کولھ چاندی دے ڈاہ سِکے ہووݨ تے ہِک گُم تھی ونجے تاں کیا او چراغ بال تے گھر ءچ جھاڑُو نہ ڈیسی تے جئیں تئیں مِل نہ ونجے کوشش نال گولھیندی نہ راہسی؟

لُوقا 15:8 Iomraidhean Croise

متّی 5:15

تے ڈیوا بال تے تھاں دے تلے نئیں بلکہ ڈیواٹ اُتے رکھیندے ہِن، تاں اُوندے تُوں گھر دے سبھ لوکاں کُوں روشنی پُجدی ہے۔

لُوقا 15:7

مَیں تُہاکُوں آدھا ہاں جو اِینویں ای ودھانوے (99) راستبازاں دی نسبت جِنہاں کُوں توبہ کرݨ دی ضرورت کائنی، ہِک توبہ کرݨ آلے گُنہگار دی وجہ کنُوں اسمان اُتے زیادہ خوشی کیتی ویسی۔

لُوقا 15:9

جِیں ویلے گولھ گِھنسی تاں آپنڑیاں سہیلیاں تے ہمسایاں کُوں سڈ تے ایہ نہ اکھیسی جو ’میڈے نال خوشی مناؤ کیوں جو میڈا گُم تھیّا ہویا سِکہ مِل گِیا ہے۔‘

لُوقا 19:10

کیوں جو اِبنِ آدم گُم تھئے ہوئیاں کُوں گولھنڑ تے نجات ڈیوݨ آیا ہے۔“

یُوحنّا 10:16

میڈیاں بیاں وی بھیڈاں ہِن جیہڑیاں اِیں واڑے دیاں نئیں۔ میکُوں ضرور ہے جو مَیں اُنہاں کُوں وی گِھن آواں تے او میڈی اواز سُنڑسن۔ وَل ہِکو اِجڑ تے ہِکو آجڑی ہوسی۔

یُوحنّا 11:52

تے نہ صرف یہُودی قوم کیتے بلکہ اِیں واسطے وی جو خُدا دے فرزنداں کُوں جیہڑے تِتربِتر تھی گئے ہَن جمع کر تے ہِک کر ڈیوے۔

اعمال 19:19

تے بہُوں سارے جادُوگراں آپنڑیاں کتاباں کُوں کٹھا کر تے سبھ لوکاں دے سامنڑے بھاہ لا ڈِتی تے جِیں ویلے اُنہاں کتاباں دی قیمت دا اندازہ کیتا گِیا تاں او پنجھاہ ہزار چاندی دے سِکے ہئی۔

اِفِسیوں 2:17

تے اُوں تُساں غیر قوم آلیاں کُوں جیہڑے کہیں ویلے اُوندے کنُوں دُور ہَوے تے یہُودیاں کُوں وی جیہڑے اُوندے نزدیک ہَن، ڈُوہائیں کُوں صُلح دی خوشخبری ڈِتی۔