لُوقا 15:6 - کِتاب مُقدّس سرائیکی ترجمہ

⁶ تے گھر آ تے آپنڑے دوستاں تے ہمسایاں کُوں سڈیندے تے آدھے، ’میڈے نال خوشی مناؤ کیوں جو میڈی گُم تھئی ہوئی بھیڈ مِل گئی ہے۔‘

لُوقا 15:6 Iomraidhean Croise

لُوقا 1:58

اُوندے ہمسائے تے رشتہ داراں ایہ سُنڑ تے جو خُداوند اُوندے اُتے وڈی رحمت کیتی، اُوندے نال خوشی منائی۔

لُوقا 15:10

مَیں تُہاکُوں آدھا ہاں جو اِینویں ای ہِک گُنہگار دے توبہ کرݨ نال خُدا دے فرشتیاں دے سامنڑے خوشی منائی ویندی ہے۔“

لُوقا 15:24

کیوں جو میڈا ایہ پوتر مر گِیا ہا، ہُنڑ زندہ تھئے، گُم تھی گِیا ہا، ہُنڑ مِلیا ہے۔‘ بس او خوشی مناوݨ لگے۔

لُوقا 15:5

وَل جیہڑے ویلے مِل ویندی ہے تاں او خوشی کنُوں اُونکُوں آپنڑے مونڈھیاں اُتے چا گِھندے۔

لُوقا 15:7

مَیں تُہاکُوں آدھا ہاں جو اِینویں ای ودھانوے (99) راستبازاں دی نسبت جِنہاں کُوں توبہ کرݨ دی ضرورت کائنی، ہِک توبہ کرݨ آلے گُنہگار دی وجہ کنُوں اسمان اُتے زیادہ خوشی کیتی ویسی۔

یُوحنّا 15:14

جے تُساں میڈے حُکماں اُتے عمل کریسو تاں میڈے دوست ہوسو۔

یُوحنّا 3:29

کُنوار تاں گھوٹ دی ہوندی ہے۔ پر گھوٹ دا دوست جیہڑا نال کھڑا تھی تے اُوندی سُنڑدے، او گھوٹ دی اواز سُنڑ تے خوش تھیندے۔ بس میڈی ایہ خوشی پُوری تھی گئی۔

اعمال 11:23

جِیں ویلے او اُتھاں پُجیا تاں لوکاں اُتے خُدا دا فضل ڈیکھ تے بہُوں خوش تھیّا تے اُنہاں سبھ کُوں نصیحت کیتی جو پُورے دل نال خُداوند دے وفادار بنڑے راہو۔

اعمال 15:3

بس کلیسیا اُنہاں کُوں روانہ کیتا تے او فینیکے تے سامریہ ءچوں تھیندے ہوئے، غیر قوماں دا مسیح اُتے اِیمان گِھن آوݨ دا بیان کریندے گئے تے اِیں خبر نال سبھ بِھرانواں کُوں خوش کریندے گئے۔

فِلِپّیوں 1:4

تُہاڈے کیتے آپنڑی ہر دُعا ءچ مَیں بہُوں خوشی نال دُعا کریندا ہاں،

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

فِلِپّیوں 4:1

اِیں واسطے میڈے پیارے بِھراؤ، جِنہاں نال مِلنڑ دی مَیں سِک رکھیندا ہاں تے تُساں جیہڑے میڈی خوشی تے میڈا تاج ہیوے۔ میڈے عزیزو، خُداوند ءچ اِینویں ای قائم راہو۔

1تھِسّلُنیکیوں 2:19

آخر ساڈی اُمید تے خوشی تے فخر دا تاج کیا ہے؟ خُداوند یسُوع دے واپس آوݨ ویلے جڈاں اساں اُوندے سامنڑے پیش تھیسوں تاں ساڈی اُمید یا خوشی یا او تاج جیندے اُتے اساں فخر کریسوں، کیا او تُساں ای نئیں؟

1 پطرس 2:10

پہلے تُساں کوئی اُمت نہ ہَوے، پر ہُنڑ خُدا دی اُمت بنڑ گئے ہیوے۔ پہلے تُہاڈے اُتے رحمت نہ تھئی ہئی پر ہُنڑ تُہاڈے اُتے رحمت تھئی ہے۔

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔