لُوقا 13:16 - کِتاب مُقدّس سرائیکی ترجمہ

¹⁶ بس کیا ایہ مناسب نہ ہا جو ایہ عورت جیہڑی ابرہام دی دِھی ہے، جِینکُوں شیطان اٹھارہاں سالہاں کنُوں بدھی پِیا ہا، سبت دے ڈینہہ اِیں قید کنُوں آزاد کیتی ویندی؟“

لُوقا 13:16 Iomraidhean Croise

متّی 4:10

یسُوع اُونکُوں آکھیا، ”شیطان! دُور تھی وَنج، کیوں جو لِکھیا ہے جو ’تُوں رب آپنڑے خُدا کُوں سجدہ کر تے صرف اُوندی عبادت کر‘۔“

مرقس 2:27

وَل یسُوع اُنہاں کُوں آکھیا، ”سبت اِنسان کیتے بنڑایا گِیا ہے نہ جو اِنسان سبت کیتے۔

لُوقا 16:24

اُوں چِلا تے آکھیا، ’ابّا ابرہام! میڈے اُتے رحم کر تے لعزر کُوں بھیج جو آپنڑی انگل دا سرا پانڑی ءچ بوڈ تے میڈی زبان کُوں ٹھڈا کرے، کیوں جو مَیں اِیں بھاہ ءچ تڑپدا پِیا ہاں۔‘

لُوقا 19:9

یسُوع اُونکُوں آکھیا، ”اَج اِیں گھر ءچ نجات آئی ہے، اِیں واسطے جو ایہ وی ابرہام دا پوتر ہے۔

لُوقا 3:8

بس ایجھے کم کرو جو نظر آوے جو تُساں توبہ کیتی ہے تے آپنڑی اِیں بُھل ءچ نہ راہو جو ’ابرہام ساڈا پِیُو ہے۔‘کیوں جو مَیں تُہاکُوں آدھا ہاں جو خُدا اِنہاں پتھراں کنُوں ابرہام کیتے اولاد پیدا کر سگدے۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

اعمال 13:26

بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔

2 تِیمُتھِیُس 2:26

وَل او ہوش ءچ آسن تے ابلیس دے پھندے کنُوں چُھٹ ویسن جِتھاں او اُوندے تابع راہوݨ کیتے رکھے گئے ہَن۔