لُوقا 12:4 - کِتاب مُقدّس سرائیکی ترجمہ

⁴ پر تُساں دوستاں کُوں مَیں آدھا ہاں جو اُنہاں کنُوں نہ ڈرو جیہڑے جِسم کُوں قتل کریندے ہِن تے اُوندے بعد کُجھ نئیں کر سگدے۔

لُوقا 12:4 Iomraidhean Croise

متّی 10:28

اُنہاں کنُوں نہ ڈرو جیہڑے جِسم کُوں تاں قتل کر سگدے ہِن پر رُوح کُوں نئیں۔ بلکہ اُوں کنُوں ڈرو جیہڑا جِسم تے رُوح ڈوہائیں کُوں دوزخ ءچ سَٹ سگدے۔

یُوحنّا 15:13

اِیں کنُوں زیادہ محبت کوئی نئیں کریندا جو آپنڑی جان آپنڑے دوستاں کیتے ڈے ڈیوے۔

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

اعمال 4:13

جِیں ویلے اُنہاں پطرس تے یُوحنّا دی جُرأت ڈِٹھی تے معلوم تھیّا جو او اَن پڑھ تے عام بندے ہِن تاں بہُوں حیران تھئے۔ نال نال اُنہاں جاݨ گِھدا جو ایہ ڈوہائیں یسُوع دے نال رہ چُکے ہِن۔

فِلِپّیوں 1:28

تے ایہ وی جو تُساں کہیں گالھ ءچ وی آپنڑے مخالفاں کنُوں خوف زدہ نئیں۔ ایہ اُنہاں کیتے تاں ہلاکت دا نشان، پر تُہاڈے کیتے نجات دا نشان ہے تے ایہ خُدا دی طرفوں ہے۔

یعقُوب 2:23

اِینویں خُدا دے کلام دی ایہ گالھ پُوری تھئی جو ”ابرہام خُدا اُتے اِیمان گِھن آیا تے ایہ اُوندے کیتے راستبازی شمار کیتا گِیا،“ تے ”او خُدا دا دوست اکھوایا۔“

1 پطرس 3:14

پر جے تُساں نیکی کرݨ پارُوں ڈُکھ چاؤ وی تاں تُساں مُبارک ہیوے۔ اُنہاں دیاں دھمکیاں تُوں نہ ڈرو تے نہ گھبراؤ۔

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔