لُوقا 12:14 - کِتاب مُقدّس سرائیکی ترجمہ

¹⁴ یسُوع اُونکُوں آکھیا، ”میاں، کئیں میکُوں تُہاڈا مُنصف یا ونڈاوݨ آلا مقرر کیتے؟“

لُوقا 12:14 Iomraidhean Croise

لُوقا 12:13

وَل بِھیڑ ءچوں ہِک اُونکُوں آکھیا، ”اُستاد! میڈے بِھرا کُوں آکھو جو او جائیداد دا میڈا حصہ میکُوں ڈیوے۔“

لُوقا 22:58

تھوڑی دیر بعد کہیں بئے اُونکُوں ڈیکھ تے آکھیا جو ”تُوں وی اُنہاں ءچوں ہیں۔“ پطرس آکھیا، ”میاں! مَیں نئیں۔“

لُوقا 5:20

اُوں اُنہاں دا اِیمان ڈیکھ تے آکھیا، ”جوان! تیڈے گُناہ معاف تھئے۔“

یُوحنّا 6:15

بس یسُوع ایہ معلوم کر تے جو او میکُوں زبردستی پکڑ تے بادشاہ بنڑاوݨ چاہندے ہِن، وَل کلھا پہاڑ دو روانہ تھی گِیا۔

یُوحنّا 8:11

اُوں آکھیا، ”مالک! کہیں نئیں۔“ یسُوع آکھیا، ”مَیں وی تیکُوں سزا نئیں سُنڑیندا۔ چلی وَنج تے ولا گُناہ نہ کریں۔“

رومیوں 2:1

اِیں واسطے اِلزام لاوݨ آلے، تُوں جیہڑا کوئی وی ہونویں تیڈے کولھ کوئی بہانہ نئیں۔ کیوں جو جڈاں تُوں ڈُوجھے اُتے اِلزام لیندیں تے خود اُوہو کم کریندیں تاں اِینویں آپنڑے آپ کُوں مُجرم بنڑیندیں۔

رومیوں 2:3

اِنسان! تُوں جیہڑا ایجھے کم کرݨ آلیاں اُتے اِلزام لیندیں تے خود اُوہو کم کریندیں، کیا ایہ سمجھدیں جو تُوں خُدا دی عدالت کنُوں بچ ویسیں؟

رومیوں 9:20

اِنسان! تُوں کوݨ ہیں جیہڑا خُدا کُوں جواب ڈیندیں؟ کیا کوئی بنڑی ہوئی چیز آپنڑے بنڑاوݨ آلے کُوں آکھ سگدی ہے جو ”تَیں میکُوں اِینویں کیوں بنڑائے؟“