لُوقا 11:34 - کِتاب مُقدّس سرائیکی ترجمہ

³⁴ تیڈے بدن دا چراغ تیڈی اکھ ہے۔ جِیں ویلے تیڈی اکھ ٹھیک ہے تاں تیڈا سارا بدن وی روشن ہے۔ پر جِیں ویلے تیڈی اکھ خراب ہے تاں تیڈا بدن وی اندھارا ہے۔

لُوقا 11:34 Iomraidhean Croise

مرقس 4:12

’او ڈیکھسن تاں سہی پر جاݨ نہ سگسن تے سُنڑسن تاں سہی پر سمجھ نہ سگسن اِینویں نہ تھیوے جو او میڈے دو رجُوع گِھن آوݨ تے معافی پاوݨ‘۔“

مرقس 7:22

زِنا کاریاں، لالچ، بدکاری، مکر، شہوت پرستی، بدنظری، بدگوئی، شیخی تے حماقت نِکلدے ہِن۔

مرقس 8:18

اکھیں رکھیندے ہوئے وی نئیں ڈیدھے تے کَن رکھیندے ہوئے وی نئیں سُنڑدے؟ تے کیا تُہاکُوں یاد نئیں؟

لُوقا 11:35

اِیں واسطے خیال کر جو جیہڑی روشنی تیڈے اندر ہے او اندھارا تاں نئیں۔

اعمال 13:11

ہُنڑ ڈیکھ خُداوند دا ہتھ تیڈے خلاف اُٹھیا ہے تے تُوں اندھا تھی تے کُجھ عرصہ تئیں سِجھ کُوں نہ ڈیکھسیں۔“ اُونہئی ویلے کُہیڑ تے اندھارا اُوندے اُتے چھا گِیا تے او لوکاں کُوں گولھیندا پِھردا ریہا جو کوئی اُوندا ہتھ پکڑ تے اُونکُوں نال گِھن ونجے۔

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

2کُرِنتھِیوں 11:3

پر میکُوں ڈر ہے، کِتھائیں اِینویں نہ تھیوے جو جِینویں نانگ آپنڑی مکاری نال حوّا کُوں ورغلا گِھدا، اُونویں ای تُہاڈے خیال وی خراب تھی ونجنڑ تے تُساں مسیح کیتے اُوں خلوص دِلی تے پاک دامنی کُوں چھوڑ ڈیؤ۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

اِفِسیوں 1:17

مَیں دُعا کریندا ہاں جو ساڈے خُداوند یسُوع مسیح دا خُدا جیہڑا جلال آلا باپ ہے، تُہاکُوں حِکمت تے مُکاشفے دی رُوح بخشے تاں جو تُساں اُونکُوں چنگی طرحاں جاݨ گِھنو

اِفِسیوں 6:5

نوکرو! ڈردے تے کمبدے ہوئے صاف دِلی نال آپنڑے دُنیاوی مالکاں دی فرمانبرداری کرو جِینویں مسیح دی کریندے ہیوے۔

کلُسِّیوں 3:22

نوکرو، آپنڑے دُنیاوی مالکاں دے ہر گالھ ءچ فرمانبردار راہو، لوکاں کُوں خوش کرݨ آلیاں آلی کار صرف ڈِکھاوے کیتے نئیں بلکہ خلوص دِلی تے خُدا دے خوف نال۔