لُوقا 10:7 - کِتاب مُقدّس سرائیکی ترجمہ

⁷ اُونہی گھر ءچ رہوائے تے جیہڑا کُجھ اُنہاں کنُوں مِلے کھاؤ پِیو کیوں جو مزدُور آپنڑی مزدُوری دا حقدار ہے، گھر گھر نہ پِھرائے۔

لُوقا 10:7 Iomraidhean Croise

مرقس 6:10

تے اُوں اُنہاں کُوں آکھیا، ”تُساں جیہڑے گھر ءچ داخل تھیؤ جئیں تئیں اُتھوں روانہ نا تھیؤ اُتھائیں ٹِکائے۔

لُوقا 10:6

جے اُتھاں کوئی سلامتی پسند کرݨ آلا بندہ ہوسی تاں تُہاڈا سلام اُوندے اُتے کھڑ ویسی، نہ تاں تُہاڈے اُتے وَل آسی۔

لُوقا 9:4

جِیں گھر ءچ داخل تھیوائے اُتھائیں ٹِکے رہوائے، تے اُتھوں ای روانہ تھیوائے۔

اعمال 16:15

وَل جِیں ویلے اُوں تے اُوندے خاندان بپتسمہ گِھن گِھدا تاں ساکُوں آکھیا جو ”جے تُساں میکُوں خُداوند دی اِیماندار بندی سمجھدے ہیوے تاں جُلو تے میڈے گھر ٹِکو۔“ بس اُوں ساکُوں مجبور کیتا۔

اعمال 16:34

داروغہ اُنہاں کُوں آپنڑے گھر گِھن گِیا تے اُنہاں کُوں کھانڑا کھوایا۔ تے آپنڑے سارے گھر آلیاں سمیت خُدا اُتے اِیمان گِھن آ تے بہُوں خوشی منائی۔

اعمال 16:40

بس پولُس تے سِیلاس قید خانہ ءچوں باہر نِکل تے لُدیہ دے گھر گئے جِتھاں او مسیحی بِھرانواں کُوں مِلے تے اُنہاں دی حوصلہ افزائی کر تے اُتھوں روانہ تھی گئے۔

گلتِیوں 6:6

کلام دی تعلیم پاوݨ آلا آپنڑیاں ساریاں چنگیاں چیزاں ءچ تعلیم ڈیوݨ آلے کُوں شامل کرے۔

1 تِیمُتھِیُس 5:13

اِیندے علاوہ او گھر گھر بیکار پِھردیاں ہِن تے نہ صرف بیکار راہندیاں ہِن بلکہ فضول گالھیں کر تے ڈُوجھیاں دے معاملیاں ءچ دخل اندازی وی کریندیاں ہِن تے غیرمناسب گالھیں آدھیاں ہِن۔

2 تِیمُتھِیُس 2:6

جیہڑا کِسان سخت محنت کریندے، سبھ توں پہلے اُونکُوں پیداوار دا حصہ مِلنڑا چاہیدے۔