لُوقا 10:27 - کِتاب مُقدّس سرائیکی ترجمہ

²⁷ اُوں جواب ءچ آکھیا، ”رب العالمین آپنڑے خُدا نال آپنڑے سارے دل تے آپنڑی ساری جان تے آپنڑی ساری طاقت تے آپنڑی ساری عقل نال محبت رکھ تے آپنڑے ہمسائے نال آپنڑے وانگُوں محبت رکھ۔“

لُوقا 10:27 Iomraidhean Croise

رومیوں 13:9

کیوں جو ایہ سارے حُکم جو ”زِنا نہ کر، خون نہ کر، چوری نہ کر، لالچ نہ کر“ تے اِنہاں دے علاوہ جیہڑے وی حُکم باقی ہِن، اُنہاں ساریاں دا خلاصہ اِیں ہِک حُکم ءچ موجود ہے جو ”آپنڑے ہمسائے نال آپنڑے وانگُوں محبت رکھ۔“

یعقُوب 2:8

پر جے تُساں خُدا دے کلام دے اِیں شاہی فرمان اُتے جو ”آپنڑے ہمسائے نال آپنڑے وانگُوں محبت رکھ“ عمل کریندے ہیوے تاں چنگا کریندے ہیوے۔

1 یُوحنّا 3:18

بالو! اساں صرف کلام تے زبان نال ای نئیں بلکہ سچائی تے آپنڑے اعمال نال وی محبت کرُوں۔

عبرانیوں 8:10

رب ایہ وی فرمیندے جو جیہڑا عہد مَیں اُنہاں ڈینہاں تُوں بعد بنی اِسرائیل نال بدھیساں، او ایہ ہوسی جو مَیں آپنڑے حُکم اُنہاں دے ذہناں ءچ پیساں تے اُنہاں دے دِلاں اُتے لِکھیساں مَیں ای اُنہاں دا خُدا ہوساں تے او میڈی قوم ہوسن۔

گلتِیوں 5:13

بِھراؤ! تُساں ازاد راہنڑ کیتے سڈے گئے ہیوے پر اِیں ازادی کُوں آپنڑیاں جِسمانی خواہشاں کُوں پُورا کرݨ کیتے اِستعمال نہ کرو بلکہ محبت نال ہِک ڈُوجھے دی خدمت کریندے راہو۔

متّی 19:19

آپنڑے ماء پِیُو دی عزت کر، تے آپنڑے ہمسائے نال آپنڑے وانگُوں محبت کر۔“

لُوقا 10:26

اُوں اُونکُوں آکھیا، ”شریعت ءچ کیا لِکھیا ہے؟ تُوں کِینویں پڑھدیں؟“