لُوقا 10:21 - کِتاب مُقدّس سرائیکی ترجمہ

²¹ اُونہی ویلے یسُوع رُوح القُدس کنُوں خوشی نال بھریج گِیا تے آکھنڑ لگا، ”باپ، اسمان تے زمین دے مالک! مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں، تے بالاں اُتے ظاہر کیتیاں۔ ہاں، باپ، کیوں جو تیڈی نظر ءچ اِیہو چنگا ہا۔

لُوقا 10:21 Iomraidhean Croise

متّی 16:17

یسُوع جواب ءچ اُونکُوں آکھیا، ”شمعون بِن یُوناہ، تُوں مُبارک ہیں کیوں جو ایہ گالھ اِنسان نئیں بلکہ میڈے اسمانی باپ تَیں اُتے ظاہر کیتی ہے۔

متّی 21:16

تے یسُوع کُوں آکھیا، ”تُوں سُنڑدا پئیں جو ایہ کیا آدھے ہِن؟“ یسُوع اُنہاں کُوں آکھیا، ”ہاں۔ کیا تُساں ایہ نوِشتہ کڈھائیں نئیں پڑھیا جو ’تَیں بالاں تے کھیر پِیوݨ آلیاں دے مُنہ کنُوں وی آپنڑی حمد کروائی‘؟“

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

مرقس 10:15

مَیں تُہاکُوں سچ آدھا ہاں جو جیہڑا کوئی خُدا دی بادشاہی کُوں بال آلی کار قبول نہ کرے او اُوندے ءچ کڈھائیں داخل نہ تھیسی۔“

لُوقا 15:5

وَل جیہڑے ویلے مِل ویندی ہے تاں او خوشی کنُوں اُونکُوں آپنڑے مونڈھیاں اُتے چا گِھندے۔

لُوقا 15:9

جِیں ویلے گولھ گِھنسی تاں آپنڑیاں سہیلیاں تے ہمسایاں کُوں سڈ تے ایہ نہ اکھیسی جو ’میڈے نال خوشی مناؤ کیوں جو میڈا گُم تھیّا ہویا سِکہ مِل گِیا ہے۔‘

یُوحنّا 11:41

بس اُنہاں پتھر کُوں ہٹا ڈِتا۔ وَل یسُوع اسمان دو اکھیں چا تے آکھیا، ”باپ! مَیں تیڈا شُکر کریندا ہاں جو تُوں میڈی سُنڑ گِھدی۔

2کُرِنتھِیوں 4:3

جے او خوشخبری جیندی اساں تبلیغ کریندے ہیں ہُنڑ وی پڑدہ دے پِچھے لُکی ہوئی ہے تاں صرف ہلاک تھیوݨ آلیاں کیتے ہے۔

اِفِسیوں 1:11

مسیح ءچ ساکُوں وی وراثت مِل گئی ہے کیوں جو خُدا جیہڑا سبھ کُجھ آپنڑی مرضی تے مقصد دے مطابق کریندے، اُوں آپنڑے اِرادہ دے مطابق ساڈے کیتے ایہ پہلے کنُوں ای مقرر کیتے۔

اِفِسیوں 1:5

خُدا آپنڑی مرضی تے نیک اِرادے دے مطابق پہلے کنُوں ای فیصلہ کیتا جو او ساکُوں یسُوع مسیح دے ذریعے آپنڑے لے پالک پوتر بنڑاوے،