لُوقا 1:32 - کِتاب مُقدّس سرائیکی ترجمہ

³² او بزُرگ ہوسی تے خُدا تعالیٰ دا پوتر اکھویسی تے خُداوند خُدا اُوندے پِیُو داؤد دا تخت اُونکُوں ڈیسی۔

لُوقا 1:32 Iomraidhean Croise

متّی 1:1

یسُوع مسیح اِبنِ داؤد اِبنِ ابرہام دا شجرہ۔

متّی 12:42

جنُوب دی ملکہ عدالت دے ڈینہہ اِیں زمانے دے لوکاں نال کھڑ تے اُنہاں کُوں مُجرم کھڑیسی۔ کیوں جو او بہُوں دُور کنُوں سُلیمان دی حِکمت سُنڑݨ کیتے آئی ہئی تے ڈیکھو اِتھاں او ہے جیہڑا سُلیمان کنُوں وی وڈا ہے۔

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

متّی 3:11

مَیں تاں تُہاکُوں توبہ کیتے پانڑی نال بپتسمہ ڈیندا ہاں پر جیہڑا میڈے بعد آندے او مَیں تُوں زیادہ زور آور ہے۔ مَیں تاں اُوندیاں جُتیاں چاوݨ دے وی لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

مرقس 14:61

پر او چُپ ای ریہا تے کوئی جواب نہ ڈِتا۔ کاہِن ِ اعظم اُونکُوں ولا پُچھیا، ”کیا تُوں خُدائے محمُود دا پوتر المسیح ہیں؟“

مرقس 5:7

تے زور نال چیخدے ہوئے آکھیا، ”یسُوع، خُدا تعالیٰ دے پوتر! میکُوں تیڈے نال کیا کم؟ تیکُوں خُدا دا واسطہ، میکُوں عذاب ءچ نہ سَٹ۔“

لُوقا 1:15

کیوں جو او خُداوند دے حضُور ءچ بزُرگ ہوسی۔ او ہرگز نہ انگُور دی نہ کوئی بئی شراب پی سی، تے آپنڑی ماء دے پیٹ تُوں ای رُوح القُدس نال بھریج ویسی۔

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

لُوقا 1:76

تے میڈے پوتر! تُوں خُدا تعالیٰ دا نبی اکھویسیں کیوں جو تُوں خُداوند دے اگُوں اگُوں ٹُر تے اُوندے رستے تیار کریسیں

لُوقا 3:16

تاں یُوحنّا سبھ کُوں جواب ءچ آکھیا، ”مَیں تاں تُہاکُوں پانڑی نال بپتسمہ ڈیندا ہاں، پر جیہڑا مَیں کنُوں زور آور ہے، او آوݨ آلا ہے۔ مَیں اُوندی جُتی دا تسمہ کھولنڑ دے لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

لُوقا 6:35

پر تُساں آپنڑے دُشمنڑاں نال محبت رکھو تے بھلائی کرو۔ تے واپس مِلنڑ دی اُمید دے بغیر قرضہ ڈیؤ، تاں تُہاڈا اجر وڈا ہوسی تے تُساں خُدا تعالیٰ دے فرزند ہوسو، کیوں جو او ناشُکریاں تے بداں اُتے وی مہربان ہے۔

یُوحنّا 12:34

لوکاں اُونکُوں جواب ڈِتا ”اساں شریعت ءچوں ایہ سُنڑیا ہے جو المسیح ہمیشاں تئیں زندہ راہسی، وَل تُساں کیوں آدھے ہیوے جو ’اِبنِ آدم دا اُچے اُتے چڑھایا ونجنڑ ضرور ہے؟‘ ایہ اِبنِ آدم کوݨ ہے؟“

یُوحنّا 6:69

تے اساں اِیمان گِھن آئے تے جاݨ گئے ہیں جو خُدا دے قدُّوس تُساں ای ہیوے۔“

اعمال 16:17

او پولُس تے ساڈے پِچُھوں آ تے چیخنڑ لگ پئی جو ”ایہ لوک خُدا تعالیٰ دے خادم ہِن جیہڑے تُہاکُوں نجات دا رستہ ڈسیندے ہِن۔“

اعمال 2:30

پر او نبی ہا تے ایہ جانڑدا ہا جو خُدا میڈے نال قَسم کھادی ہے جو مَیں تیڈی نسل ءچوں ہِک بندے کُوں تیڈے تخت اُتے بِلھیساں۔

اعمال 2:36

بس اِسرائیل دا سارا خاندان جاݨ گِھنے جو خُدا اُوں یسُوع کُوں جِینکُوں تُساں صلیب چڑھایا، خُداوند وی بنڑایا تے المسیح وی۔“

اعمال 7:48

پر خُدا تعالیٰ، اِنسانی ہتھاں دے بنڑائے ہوئے گھراں ءچ نئیں راہندا، جِینویں نبی آکھیا ہے جو

رومیوں 1:4

پر پاکیزگی دی رُوح دے لحاظ نال مُردیاں ءچوں زندہ تھیوݨ دے سببّوں بہُوں قُدرت نال خُدا دا پوتر ثابت تھیّا۔ ایہ ساڈا خُداوند یسُوع المسیح ہے،

مُکاشفہ 3:7

فِلدِلفیہ دی کلیسیا دے فرشتہ کُوں لِکھ جو جیہڑا قدُّوس تے سچا ہے تے داؤد دی کُنجی رکھیندے، جیندے کھولے ہوئے کُوں کوئی بند نئیں کر سگدا تے جیندے بند کیتے ہوئے کُوں کوئی کھول نئیں سگدا، اُوہو ایہ فرمیندے جو