لُوقا 1:30 - کِتاب مُقدّس سرائیکی ترجمہ

³⁰ فرشتہ اُونکُوں آکھیا، ”مریم خوف نہ کر کیوں جو خُدا دی طرفوں تیڈے اُتے فضل تھیّا ہے۔

لُوقا 1:30 Iomraidhean Croise

متّی 14:27

پر یسُوع اُنہاں کُوں فوراً آکھیا، ”حوصلہ رکھو۔ مَیں ہاں۔ ڈرو نہ۔“

متّی 28:5

فرشتے عورتاں کُوں آکھیا، ”نہ ڈرو۔ مَیں جانڑدا ہاں جو تُساں یسُوع کُوں گولھیندیاں ہیوے جیہڑا مصلُوب تھیّا ہا۔

لُوقا 1:13

پر فرشتے اُونکُوں آکھیا، ”زکریاہ! خوف نہ کر کیوں جو تیڈی دُعا سُنڑی گئی ہے تے تیڈے کیتے تیڈی ذال اِلیشِبَع دے پوتر جمسی۔ تُوں اُوندا ناں یُوحنّا رکھیں۔

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

اعمال 27:24

تے آکھنڑ لگا، ’پولُس! اصلُوں نہ ڈر۔ تُوں رومی بادشاہ قیصر دے حضُور لازمی پیش تھیسیں تے تیڈی خاطر خُدا اُنہاں ساریاں دی جان بخش ڈِتی ہے جیہڑے جہاز اُتے تیڈے نال سفر کریندے پئے ہِن۔‘

رومیوں 8:31

بس اساں اِنہاں گالھیں دے بارے ءچ کیا آکھوں؟ جے خُدا ساڈے پاسے ہے تاں کوݨ ساڈا مخالف تھی سگدے؟

عبرانیوں 13:6

اِیں واسطے اساں پُوری دلیری نال آکھ سگدے ہیں جو ”رب میڈا مددگار ہے مَیں خوف نہ کھاساں اِنسان میڈا کیا وِگاڑ سگدے ؟“