لُوقا 1:2 - کِتاب مُقدّس سرائیکی ترجمہ

² اُنہاں او گالھیں بیان کیتیاں جیہڑیاں ساکُوں اُنہاں لوکاں دی طرفوں پُجیاں، جِنہاں شروع کنُوں آپنڑے اکھیں نال ڈِٹھا تے کلام دے خادم ہِن۔

لُوقا 1:2 Iomraidhean Croise

مرقس 1:1

خُدا دے پوتر یسُوع مسیح دے بارے ءچ خوشخبری دا شروع ایہ ہے۔

مرقس 16:20

وَل شاگرداں نِکل تے جاہ جاہ تبلیغ کیتی، تے خُداوند اُنہاں دے نال کم کریندا ریہا، تے اُنہاں معجزیاں دے وسیلے نال جیہڑے نال نال تھیندے ہَن کلام کُوں ثابت کریندا ریہا۔

مرقس 4:14

رہاوݨ آلا خُدا دا کلام رہیندے۔

لُوقا 24:48

تُساں اِنہاں گالھیں دے گواہ ہیوے۔

یُوحنّا 15:27

تے تُساں وی گواہی ڈیسو کیوں جو شروع کنُوں میڈے نال ہیوے۔“

یُوحنّا 16:4

پر مَیں ایہ گالھیں تُہاکُوں اِیں واسطے آکھیاں ہِن جو جِیں ویلے اُنہاں دا وقت آوے تاں تُہاکُوں یاد آ ونجے جو مَیں تُہاکُوں پہلے ای چِتا ڈِتا ہا۔ شروع ءچ مَیں ایہ گالھیں اِیں واسطے تُہاکُوں نئیں آکھیا جو مَیں تُہاڈے نال ہم،

اعمال 1:3

ڈُکھ سہنڑ تُوں بعد اُوں آپنڑے آپ کُوں رسُولاں اُتے ظاہر کر تے، آپنڑے زندہ ہووݨ دے بہُوں سارے ثبوت ڈِتے۔ چالیہہ ڈینہہ تئیں او اُنہاں کُوں نظر آندا تے خُدا دی بادشاہی دے بارے ءچ ڈسیندا ریہا۔

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

اعمال 14:25

تے پِرگہ ءچ خُدا دا کلام سُنڑا تے اتلّیہ دو چلے گئے۔

اعمال 16:6

وَل پولُس تے سِیلاس فروگیہ تے گلِتیہ دے علاقے ءچوں لنگھے کیوں جو رُوح القُدس اُنہاں کُوں آسِیہ ءچ کلام سُنڑاوݨ تُوں روک ڈِتا ہا۔

اعمال 17:11

ایہ لوک تھِسّلُنِیکے دے لوکاں کنُوں زیادہ چنگے ہَن کیوں جو اُنہاں پیغام کُوں بہُوں شوق نال قبول کیتا تے او ہر روز خُدا دے کلام دا مطالعہ کریندے ہَن جو واقعی ایہ گالھیں اِینویں ای ہِن یا نئیں۔

اعمال 26:16

پر اُٹھی آپنڑے پیراں اُتے کھڑا تھی وَنج، کیوں جو مَیں تَیں اُتے اِیں واسطے ظاہر تھیّا ہاں جو تیکُوں آپنڑا خادم تے گواہ مقرر کراں تاں جو تُوں اِنہاں گالھیں دی گواہی ڈیویں جیہڑیاں تَیں ہُنڑ ڈِٹھیاں ہِن تے اُنہاں دی وی جیہڑیاں مَیں تیڈے اُتے ظاہر کریساں۔

اعمال 4:20

کیوں جو ممکن نئیں جو اساں جیہڑا کُجھ ڈِٹھا تے سُنڑیا ہے، اُوندا ذِکر نہ کرُوں۔“

اعمال 8:4

بس جیہڑے تِتربِتر تھئے ہَن او جاہ جاہ کلام دی خوشخبری سُنڑیندے ریہے۔

رومیوں 15:16

جو مَیں غیریہُودیاں ءچ مسیح یسُوع دا خادم بنڑ تے خوشخبری دی خدمت کاہِن دی طرحاں کراں، تاں جو غیریہُودی رُوح القُدس دے ذریعے مُقدّس تھی تے ایجھی نذر بنڑ ونجنڑ، جیہڑی خُدا دے حضُور ءچ مقبول تھیوے۔

1کُرِنتھِیوں 4:1

بس لوک ساکُوں مسیح دا خادم تے خُدا دے راز ڈساوݨ دا مُختار سمجھنڑ۔

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

2 پطرس 1:16

کیوں جو جِیں ویلے اساں تُہاکُوں آپنڑے خُداوند یسُوع مسیح دی قُدرت تے واپس آوݨ دے بارے ءچ ڈسایا ہا تاں اساں چالاکی نال گھڑیاں کہانڑیاں دی پیروی نہ کیتی ہئی بلکہ اساں اُوندی عظمت دے اکھیں ڈِٹھے گواہ ہسے۔