یُوحنّا 9:3 - کِتاب مُقدّس سرائیکی ترجمہ

³ یسُوع جواب ڈِتا، ”نہ اِیں بندے گُناہ کیتا ہا نہ اِیندے ماء پِیُو، بلکہ ایہ اِیں واسطے تھیّا جو خُدا دے کم اُوندے ءچ ظاہر تھیوݨ۔

یُوحنّا 9:3 Iomraidhean Croise

متّی 11:5

جو اندھے ڈیدھے ہِن، منڈے ٹُردے ہِن، کوڑھی پاک صاف کیتے ویندے ہِن، ڈورے سُنڑدے ہِن، مُردے زندہ کیتے ویندے ہِن تے غریباں کُوں خوشخبری سُنڑائی ویندی ہے۔

یُوحنّا 11:4

یسُوع ایہ سُنڑ تے آکھیا، ”اِیں بیماری دا انجام موت نئیں بلکہ ایہ خُدا دا جلال ظاہر کرݨ کیتے ہے تاں جو اِیندے ذریعے خُدا دے پوتر دا جلال ظاہر تھیوے۔“

یُوحنّا 11:40

یسُوع اُونکُوں آکھیا، ”کیا مَیں تیکُوں نہ آکھیا ہم جو جے تُوں اِیمان گِھن آسیں تاں خُدا دا جلال ڈیکھسیں؟“

اعمال 28:4

جِیں ویلے جزیرہ دے لوکاں نانگ کُوں اُوندے ہتھ نال لٹکدے ڈِٹھا تاں آپس ءچ آکھنڑ لگے جو ”بے شک ایہ بندہ کوئی خونی ہے۔ ایہ سمندر ءچ مرݨ کنُوں تاں بچ گِیا ہے پر اِنصاف اُونکُوں زندہ نہ چھوڑیسی۔“

اعمال 4:21

عدالت آلیاں اُنہاں کُوں بِیا وی دھمکا تے چھوڑ ڈِتا کیوں جو لوکاں دے سببّوں اُنہاں کُوں سزا ڈیوݨ دا کوئی موقع نہ مِلیا۔ اِیں واسطے جو سارے لوک اُوں واقعے دے سببّوں خُدا دی تعریف کریندے ہَن۔

1 یُوحنّا 4:16

جیہڑی محبت خُدا کُوں ساڈے نال ہے، اساں اُونکُوں جاݨ گئے ہیں تے ساکُوں اُوندا یقین ہے۔ خُدا محبت ہے تے جیہڑا محبت ءچ قائم راہندے، او خُدا ءچ قائم راہندے تے خُدا اُوندے ءچ۔

1 یُوحنّا 4:9

جیہڑی محبت خُدا ساڈے نال رکھیندے، اُونکُوں اُوں اِینویں ظاہر کیتا جو اُوں آپنڑے کلھے پوتر کُوں دُنیا ءچ بھیج ڈِتا تاں جو ساکُوں اُوندے وسیلے زندگی مِلے۔