یُوحنّا 9:16 - کِتاب مُقدّس سرائیکی ترجمہ

¹⁶ وَل فریسیاں ءچوں کُجھ آکھنڑ لگے، ”ایہ بندہ خُدا دی طرفوں نئیں کیوں جو او سبت دے ڈینہہ کُوں نئیں منیندا۔“ پر کُجھ آکھنڑ لگے جو ”کوئی گُنہگار بندہ ایجھے معجزے کِینویں ڈِکھا سگدے؟“ بس اُنہاں ءچ پُھٹ پے گئی۔

یُوحنّا 9:16 Iomraidhean Croise

متّی 12:10

اُتھاں ہِک بندہ ہا جِیندا ہتھ سُکیا ہویا ہا۔ فریسیاں اُوندے اُتے اِلزام لاوݨ دے اِرادے نال ایہ پُچھیا جو ”کیا سبت دے ڈینہہ شِفا ڈیوݨ جائز ہے؟“

متّی 12:2

فریسیاں ایہ ڈیکھ تے اُونکُوں آکھیا جو ”ڈیکھو تُہاڈے شاگرد او کم کریندن جیہڑے سبت دے ڈینہہ کرݨ جائز نئیں۔“

لُوقا 13:14

عبادت خانہ دا سردار اِیں واسطے جو یسُوع سبت دے ڈینہہ شِفا ڈِتی، ناراض تھی تے لوکاں کُوں آکھنڑ لگا، ”چِھی ڈینہہ ہِن جِنہاں ءچ کم کرݨ چاہیدے، بس اُنہاں ءچ آ تے شِفا گِھنو نہ جو سبت دے ڈینہہ۔“

یُوحنّا 10:19

اِنہاں گالھیں دے سببّوں یہُودیاں ءچ وَل پُھٹ پے گئی۔

یُوحنّا 14:11

میڈا یقین کرو جو مَیں باپ ءچ ہاں تے باپ میڈے ءچ، نئیں تاں میڈے کماں دے سببّوں ای میڈا یقین کرو۔

یُوحنّا 15:24

جے مَیں اُنہاں ءچ او کم نہ کریندا جیہڑے کہیں ڈُوجھے نئیں کیتے تاں او گُنہگار نہ ہوندے پر ہُنڑ اُنہاں ایہ سبھ ڈِٹھا تے وَل وی میڈے تے میڈے باپ ڈوہائیں نال نفرت کیتی ہے۔

یُوحنّا 2:11

ایہ یسُوع دا پہلا معجزہ ہا جیہڑا اُوں گلیل دی وستی قانا ءچ ڈِکھا تے آپنڑاں جلال ظاہر کیتا تے اُوندے شاگرد اُوندے اُتے اِیمان گِھن آئے۔

یُوحنّا 3:2

او رات دے ویلے یسُوع دے کولھ آ تے آکھنڑ لگا، ”ربّی! اساں جانڑدے ہیں جو تُساں خُدا دی طرفوں آئے ہوئے اُستاد ہیوے کیوں جو جیہڑے معجزے تُساں ڈکھیندے ہیوے، کوئی نئیں ڈِکھا سگدا جئیں تئیں خُدا اُوندے نال نہ ہووے۔“

یُوحنّا 5:10

بس یہُودی اُوں بندے کُوں جیہڑا ٹھیک تھی گِیا ہا آکھنڑ لگے جو ”اَج سبت دا ڈینہہ ہے، تیکُوں تیڈا بسترا چا تے ٹُرݨ پِھرݨ جائز نئیں۔“

یُوحنّا 5:36

پر میڈے کولھ یُوحنّا دی گواہی کنُوں وڈی گواہی ہے، کیوں جو جیہڑے کم باپ میکُوں کرݨ کیتے ڈِتے یعنی جیہڑے مَیں کریندا ہاں او میڈے گواہ ہِن جو باپ میکُوں بھیجیا ہے۔

یُوحنّا 6:52

اِیں تے یہُودیاں ءچ جھیڑا شروع تھی گِیا تے او آکھنڑ لگے، ”ایہ بندہ کِینویں ساکُوں آپنڑا گوشت کھاوݨ کیتے ڈے سگدے؟“

یُوحنّا 7:12

تے لوک اُوندے بارے ءچ ہولے ہولے گالھیں کریندے پئے ہَن۔ کُجھ آدھے ہَن جو ”او نیک بندہ ہے“ تے کُجھ آدھے ہَن جو ”کائنی، او لوکاں کُوں گُمراہ کریندے۔“

یُوحنّا 7:23

جِیں ویلے سبت دے ڈینہہ بالاں دا ختنہ کیتا ویندے تاں جو مُوسیٰ دی شریعت نہ تروٹے، تاں تُساں مَیں کنُوں کیوں ناراض تھی گئے ہیوے جو مَیں ہِک بندے کُوں سبت دے ڈینہہ بالکل ٹھیک کر ڈِتے؟

یُوحنّا 7:43

بس لوکاں ءچ اُوندے سببّوں اِختلاف تھیّا۔

یُوحنّا 9:24

بس اُنہاں اُوں بندے کُوں جیہڑا پہلے اندھا ہا ولا سڈوا تے آکھیا، ”سچ آکھ تے خُدا کُوں جلال ڈے۔ اساں تاں جانڑدے ہیں جو ایہ بندہ گُنہگار ہے۔“

اعمال 14:4

پر شہر دے لوک آپس ءچ ونڈیج گئے۔ کُجھ یہُودیاں نال تھی گئے تے کُجھ رسُولاں نال۔