یُوحنّا 8:54 - کِتاب مُقدّس سرائیکی ترجمہ

⁵⁴ یسُوع جواب ڈِتا، ”جے مَیں آپنڑی تعریف آپ کراں تاں او تعریف کہیں کم دی نئیں، پر میڈا باپ جِینکُوں تُساں آپنڑا خُدا آدھے ہیوے، اُوہو میڈی تعریف کریندے۔

یُوحنّا 8:54 Iomraidhean Croise

یُوحنّا 17:1

یسُوع ایہ سبھ کُجھ آکھ ڈِتا تے آپنڑے اکھیں اسمان دو چا تے آکھیا، ”باپ! ہُنڑ ویلا آ گِیا ہے۔ تُوں آپنڑے پوتر دا جلال ظاہر کر تاں جو پوتر تیڈا جلال ظاہر کرے۔

یُوحنّا 17:5

تے ہُنڑ اے باپ! میکُوں آپنڑے حضُور ءچ جلال ڈے، او جلال جیہڑا مَیں دُنیا دے بنڑݨ کنُوں پہلے تیڈے نال رکھیندا ہم۔

یُوحنّا 2:11

ایہ یسُوع دا پہلا معجزہ ہا جیہڑا اُوں گلیل دی وستی قانا ءچ ڈِکھا تے آپنڑاں جلال ظاہر کیتا تے اُوندے شاگرد اُوندے اُتے اِیمان گِھن آئے۔

یُوحنّا 5:41

مَیں اِنساناں کنُوں عزت نئیں چاہندا

یُوحنّا 7:18

جیہڑا آپنڑے کولُھوں کُجھ آدھے او آپنڑی عزت چاہندے پر جیہڑا آپنڑے بھیجنڑ آلے دی عزت چاہندے او سچا ہے تے اُوندے ءچ بُرائی نئیں۔

یُوحنّا 7:39

اُوں ایہ گالھ اُوں رُوح دے بارے ءچ آکھی جیہڑا یسُوع اُتے اِیمان رکھنڑ آلیاں اُتے نازل تھیوݨ آلا ہا، کیوں جو رُوح القُدس اجنڑ تئیں نازل نہ تھیّا ہا، اِیں واسطے جو یسُوع اجنڑ آپنڑے جلال کُوں نہ پُجیا ہا۔

یُوحنّا 8:41

تُساں اُوہو کریندے ہیوے جیہڑا تُہاڈا پِیُو کریندا ہا۔“ اُنہاں اُونکُوں آکھیا، ”اساں ناجائز اولاد نئیں، ساڈا باپ ہِکو ہے یعنی خُدا۔“

یُوحنّا 8:50

پر مَیں آپنڑی تعریف نئیں چاہندا۔ ہاں، ہِک ہے جیہڑا چاہندے تے اُوہو فیصلہ کریندے۔

اعمال 3:13

ابرہام، اِضحاق تے یعقُوب دے خُدا یعنی ساڈے پِیُو ڈاڈا دے خُدا آپنڑے خادم یسُوع کُوں جلال ڈِتے۔ تُساں اُونکُوں پکڑوا ڈِتا تے جِیں ویلے پِیلاطُس اُونکُوں چھوڑ ڈیوݨ دا اِرادہ کیتا تاں تُساں پِیلاطُس دے سامنڑے اُوندا اِنکار کیتا۔

2کُرِنتھِیوں 10:18

کیوں جو جیہڑا آپنڑی تعریف کریندے، او مقبول نئیں بلکہ جِینکُوں خُداوند نیک سمجھدے، اُوہو مقبول ہے۔

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

2 پطرس 1:17

اُوں خُدا باپ تُوں اُوں ویلے عزت تے جلال پایا، جِیں ویلے اُوں عظیم جلال ءچوں اُونکُوں ایہ اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں۔“