یُوحنّا 8:12 - کِتاب مُقدّس سرائیکی ترجمہ

¹² یسُوع ولا لوکاں نال کلام کریندے ہوئے آکھیا، ”دُنیا دا نُور مَیں ہاں، جیہڑا کوئی میڈی پیروی کریندے او کڈھائیں اندھارے ءچ نہ چلسی بلکہ اُوندے کولھ زندگی دا نُور ہوسی۔“

یُوحنّا 8:12 Iomraidhean Croise

متّی 5:14

تُساں دُنیا دا نُور ہیوے۔ جیہڑا شہر پہاڑ اُتے وسیا ہے او لُک نئیں سگدا۔

لُوقا 2:32

تاں جو او غیر قوماں کُوں روشنی ڈیوݨ آلا نُور تے تیڈی اُمت اِسرائیل دا جلال بنڑے۔“

یُوحنّا 12:35

یسُوع اُنہاں کُوں جواب ڈِتا، ”نُور تُہاڈے نال تھوڑی دیر تئیں بِیا ہے۔ جئیں تئیں نُور تُہاڈے نال ہے نُور ءچ چلدے راہو، اِینویں نہ تھیوے جو اندھارا تُہاکُوں آ جھلے۔ جیہڑا بندہ اندھارے ءچ چلدے، او نئیں جانڑدا جو کِتھاں ویندے۔

یُوحنّا 12:36

جئیں تئیں نُور تُہاڈے نال ہے، نُور اُتے اِیمان گِھن آؤ تاں جو نُور دے فرزند بنڑ سگو۔“ یسُوع ایہ گالھیں آکھ تے چلیا گِیا تے اُنہاں کنُوں آپنڑے آپ کُوں لُکایا۔

یُوحنّا 12:46

مَیں نُور تھی تے دُنیا ءچ آیا ہاں تاں جو جیہڑا میڈے اُتے اِیمان گِھن آوے او اندھارے ءچ نہ راہوے۔

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

یُوحنّا 3:19

تے سزا دے حُکم دی وجہ ایہ ہے جو نُور دُنیا ءچ آیا تے لوکاں نُور دی بجائے اندھارے کُوں پسند کیتا، اِیں واسطے جو اُنہاں دے کم بُرے ہَن۔

یُوحنّا 7:17

جے کوئی اُوندی مرضی اُتے چلنڑ چاہوے تاں او اِیں تعلیم دے بارے ءچ جاݨ گِھنسی جو خُدا دی طرفوں ہے یا مَیں آپنڑے کولُھوں آدھا ہاں۔

یُوحنّا 9:5

جئیں تئیں مَیں دُنیا ءچ ہاں، دُنیا دا نُور ہاں۔“

اعمال 13:47

کیوں جو خُداوند ساکُوں ایہ حُکم ڈِتے جو ’مَیں تیکُوں غیر قوماں کیتے نُور مقرر کیتے تاں جو تُوں زمین دی اِنتہا تئیں نجات دا باعث ہوویں‘۔“

اعمال 26:23

جو المسیح ضرور ڈُکھ چیسی تے ساریاں کنُوں پہلے مُردیاں ءچوں زندہ تھی تے اِیں اُمت تے غیر قوماں کُوں نُور دا پیغام ڈیسی۔“

2 پطرس 2:17

ایہ لوک سُکے ہوئے چشمے تے اندھاری دے اُڈائے ہوئے بدّل ہِن۔ اِنہاں کیتے سخت اندھارا مقرر ہے۔

2 پطرس 2:4

ڈیکھو، خُدا اُنہاں فرشتیاں کُوں نئیں چھوڑیا جِنہاں گُناہ کیتا، بلکہ اُنہاں کُوں اندھارے دیاں زنجیراں نال بَدھ تے دوزخ ءچ سَٹ ڈِتا تاں جو عدالت دے ڈینہہ تئیں قید ءچ راہوݨ۔

1 یُوحنّا 1:6

جے اساں اُوندے نال رفاقت رکھنڑ دا دعویٰ کریندے ہیں پر اندھارے ءچ ٹُردے ہیں تاں اساں کُوڑے ہیں تے سچائی اُتے عمل نئیں کریندے۔

یہُوداہ 1:13

ایہ سمندر دیاں بے قابو چھلاں ہِن جیہڑیاں آپنڑی بے شرمی دی جَھگ مریندیاں ہِن۔ ایہ او اوارہ تارے ہِن جِنہاں کیتے اندھاری جاہ ہمیشاں کیتے مقرر کر ڈِتی گئی ہے۔

یہُوداہ 1:6

تے جیہڑے فرشتیاں آپنڑے مقام کُوں قائم نہ رکھیا بلکہ آپنڑی مقررہ جاہ کُوں چھوڑ ڈِتا، اُنہاں کُوں خُدا ابدی زنجیراں نال بَدھ تے عدالت دے عظیم ڈینہہ تئیں اندھارے ءچ قید رکھیا ہے۔

مُکاشفہ 21:24

قوماں اُوندی روشنی ءچ ٹُرسن تے زمین دے بادشاہ اُوندے ءچ آپنڑا شاندار سامان گِھن آسن۔