یُوحنّا 7:4 - کِتاب مُقدّس سرائیکی ترجمہ

⁴ کیوں جو کوئی ایجھا نئیں جیہڑا مشہور تھیوݨ چاہندا ہووے تے لُک تے کم کرے۔ جے تُوں اِنہاں کماں کُوں کریندیں تاں آپنڑے آپ کُوں دُنیا اُتے ظاہر کر۔“

یُوحنّا 7:4 Iomraidhean Croise

متّی 23:5

او آپنڑے سبھ کم لوکاں کُوں ڈِکھاوݨ کیتے کریندے ہِن۔ او وڈے تعوِیذ پیندے ہِن، تے آپنڑی پُشاک دے گھیرے چوڑے رکھیندے ہِن۔

متّی 4:6

”جے تُوں خُدا دا پوتر ہیں تاں آپنڑے آپ کُوں تلے سَٹ ڈے کیوں جو لِکھیا ہے جو ’او تیڈے کیتے آپنڑے فرشتیاں کُوں حُکم ڈیسی تے او تیکُوں آپنڑے ہتھاں اُتے چا گِھنسن اِینویں نہ تھیوے جو تیڈے پیراں کُوں پتھر نال دھک لگے‘۔“

متّی 6:16

جِیں ویلے تُساں روزہ رکھو تاں منافقاں آلی کار آپنڑا مُنہ نہ بنڑاؤ، کیوں جو او آپنڑاں مُنہ وِگڑیندے ہِن تاں جو لوکاں کُوں پتہ لگے جو او روزے نال ہِن۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

متّی 6:5

تے جِیں ویلے تُساں دُعا کرو تاں منافقاں آلی کار نہ کرو۔ او عبادت خانیاں تے بازاراں دے چوکاں ءچ کھڑے تھی تے دُعا کرݨ پسند کریندے ہِن تاں جو لوک اُنہاں کُوں ڈیکھنڑ۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

لُوقا 6:45

چنگا بندہ آپنڑے دل دے چنگے خزانے ءچوں چنگیاں چیزاں کڈھیندے، تے بُرا بندہ بُرے خزانے ءچوں بُریاں چیزاں کڈھیندے، کیوں جو جیہڑا دل ءچ بھریا ہوندے اُوہو اُوندے مُنہ اُتے آندے۔

یُوحنّا 18:20

یسُوع جواب ڈِتا، ”مَیں سبھ لوکاں نال سر ِ عام گالھیں کیتیاں ہِن۔ مَیں ہمیشاں عبادت خانیاں تے ہیکل ءچ تعلیم ڈیندا ریہا ہاں جِتھاں سارے یہُودی کٹھے تھیندے ہِن تے مَیں لُک تے کڈھائیں وی کُجھ نئیں آکھیا۔

یُوحنّا 7:3

بس اُوندے بِھرانواں اُونکُوں آکھیا، ”اِتُھوں کنُوں نِکل تے یہُودیہ دے علاقے دو چلیا وَنج تاں جو تیڈے شاگرد وی ایہ معجزے جیہڑے تُوں کریندیں، ڈیکھ سگن۔

یُوحنّا 7:5

کیوں جو اُوندے بِھرا وی اُوندے اُتے اِیمان نہ گِھن آئے ہَن۔