یُوحنّا 7:3 - کِتاب مُقدّس سرائیکی ترجمہ

³ بس اُوندے بِھرانواں اُونکُوں آکھیا، ”اِتُھوں کنُوں نِکل تے یہُودیہ دے علاقے دو چلیا وَنج تاں جو تیڈے شاگرد وی ایہ معجزے جیہڑے تُوں کریندیں، ڈیکھ سگن۔

یُوحنّا 7:3 Iomraidhean Croise

متّی 12:46

جِیں ویلے یسُوع بِھیڑ نال گالھ کریندا پِیا ہا تاں اُوندی ماء تے بِھرا باہر کھڑے ہَن تے او اُوندے نال گالھ کرݨ چاہندے ہَن۔

مرقس 3:21

جِیں ویلے اُوندے رشتہ داراں سُنڑیا تاں او اُونکُوں پکڑن کُوں نِکلے کیوں جو اُنہاں دا آکھنڑ ہا جو ”او آپنڑے ہوش ءچ نئیں۔“

مرقس 3:31

وَل یسُوع دی ماء تے اُوندے بِھرا آئے تے باہر کھڑے تھی تے اُونکُوں سڈوایا۔

لُوقا 8:19

وَل یسُوع دی ماء تے اُوندے بِھرا اُوندے کولھ آئے پر بِھیڑ دی وجہ کنُوں اُوندے کولھ نہ پُج سگے۔

لُوقا 8:20

تے اُونکُوں خبر ڈِتی گئی جو ”تُہاڈی ماء تے تُہاڈے بِھرا باہر کھڑے ہِن تے تُہاکُوں مِلنڑ چاہندے ہِن۔“

یُوحنّا 2:2

یسُوع تے اُوندے شاگرداں دی وی اُوں شادی ءچ دعوت ہئی۔

یُوحنّا 6:60

ایہ گالھیں سُنڑ تے اُوندے شاگرداں ءچوں بہُوں ساریاں آکھیا جو ”ایہ تعلیم بہُوں سخت ہے، اِینکُوں کوݨ سُنڑ سگدے؟“

یُوحنّا 6:66

اِیں تُوں اُوندے شاگرداں ءچوں بہُوں سارے اُونکُوں چھوڑ تے چلے گئے تے ولا اُوندے نال نہ ریہے۔

یُوحنّا 7:10

جِیں ویلے اُوندے بِھرا عید ءچ چلے گئے تاں او خود وی گِیا، پر ظاہری طور تے نئیں بلکہ خُفیہ طور تے۔

یُوحنّا 7:4

کیوں جو کوئی ایجھا نئیں جیہڑا مشہور تھیوݨ چاہندا ہووے تے لُک تے کم کرے۔ جے تُوں اِنہاں کماں کُوں کریندیں تاں آپنڑے آپ کُوں دُنیا اُتے ظاہر کر۔“

یُوحنّا 7:5

کیوں جو اُوندے بِھرا وی اُوندے اُتے اِیمان نہ گِھن آئے ہَن۔

اعمال 2:14

پر پطرس باقی یارہاں دے نال کھڑا تھیّا تے اُچی اواز ءچ لوکاں کُوں آکھیا، ”یہُودی بِھراؤ تے یروشلیم دے سارے راہنڑ آلیو! ایہ جاݨ گِھنو تے میڈی گالھ توجہ نال سُنڑو۔