یُوحنّا 7:1 - کِتاب مُقدّس سرائیکی ترجمہ

¹ اِنہاں گالھیں دے بعد یسُوع گلیل ءچ پِھردا ریہا کیوں جو یہُودیہ ءچ ونجنڑ نہ چاہندا ہا، اِیں واسطے جو اُتھاں یہُودی اُوندے قتل دی کوشش ءچ ہَن۔

یُوحنّا 7:1 Iomraidhean Croise

متّی 10:23

پر جِیں ویلے لوک تُہاکُوں ہِک شہر ءچ ستاوݨ تاں ڈُوجھے شہر کُوں بھج وَنجائے کیوں جو مَیں تُہاکُوں سچ آدھا ہاں جو اِیں کنُوں پہلے جو تُساں اِسرائیل دے سارے شہراں ءچ نہ پِھر گِھن سو، اِبنِ آدم آ ویسی۔

متّی 21:38

پر جِیں ویلے ٹھیکیداراں اُوندے پوتر کُوں ڈِٹھا تاں آپس ءچ آکھنڑ لگے، ’اِیہو وارث ہے۔ آؤ اِینکُوں قتل کر تے اِیندی جائیداد اُتے قبضہ کر گِھنوں۔‘

مرقس 11:18

سردار کاہِن تے شریعت دے عالم ایہ سُنڑ تے اُونکُوں ہلاک کرݨ دا موقع گولھنڑ لگے کیوں جو اُوں کنُوں ڈر دے ہَن اِیں واسطے جو سبھ لوک اُوندی تعلیم کنُوں حیران ہَن۔

یُوحنّا 1:19

تے یُوحنّا دی گواہی ایہ ہے جڈاں یہُودیاں یروشلیم تُوں کاہِن تے لاوی اُوندے کولھ ایہ پُچھنڑ کیتے بھیجے جو ”تُساں کوݨ ہیوے؟“

یُوحنّا 4:3

تاں او یہُودیہ کُوں چھوڑ تے وَل گلیل کُوں چلیا گِیا۔

یُوحنّا 4:54

ایہ ڈُوجھا معجزہ ہا جیہڑا یسُوع یہُودیہ تُوں گلیل ءچ آ تے ڈِکھایا۔

یُوحنّا 6:1

اِنہاں گالھیں دے بعد یسُوع گلیل دی جھیل دے پار گِیا، جِینکُوں تِبریاس دی جھیل وی اکھیندے ہِن۔

یُوحنّا 7:11

بس یہُودی عید ءچ اُونکُوں گولھیندے تے پُچھدے پِھردے ہَن جو ”او کِتھاں ہے؟“

یُوحنّا 7:13

وَل وی یہُودی سرداراں دے ڈر تُوں کوئی اُوندے بارے ءچ کُھل تے گالھ نہ کریندا ہا۔

یُوحنّا 7:19

کیا مُوسیٰ تُہاکُوں شریعت نئیں ڈِتی؟ وَل وی تُہاڈے ءچوں کوئی شریعت اُتے عمل نئیں کریندا۔ تُساں کیوں میکُوں قتل کرݨ دی کوشش ءچ ہیوے؟“

یُوحنّا 7:25

وَل یروشلیم دے کُجھ راہنڑ آلے آکھنڑ لگے، ”کیا ایہ اُوہو نئیں جیندے قتل دی کوشش تھیندی پئی ہے؟

یُوحنّا 7:35

یہُودی آپس ءچ آکھنڑ لگے، ”ایہ کِتھاں ویسی جو اساں اُونکُوں گولھ نہ سگسوں؟ کیا او اُنہاں دے کولھ جیہڑے یُونانیاں ءچ اِڈے اُڈے وسدے ہِن چلیا ویسی تے یُونانیاں کُوں تعلیم ڈیسی؟

یُوحنّا 8:37

مَیں جانڑدا ہاں جو تُساں ابرہام دی اولاد ہیوے، وَل وی تُساں میڈے قتل دی کوشش ءچ ہیوے کیوں جو تُہاڈے دِلاں ءچ میڈا کلام جاہ نئیں پَیندا۔

یُوحنّا 8:40

پر ہُنڑ تُساں میکُوں قتل کرݨ دی کوشش کریندے ہیوے، جئیں تُہاکُوں اُوہو سچائی دی گالھ ڈسائی جیہڑی خُدا کنُوں سُنڑی۔ ابرہام تاں اِینویں کڈھائیں نہ کیتا ہا۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔