یُوحنّا 5:9 - کِتاب مُقدّس سرائیکی ترجمہ

⁹ او بندہ فوراً ٹھیک تھی گِیا تے آپنڑی کَھٹ چا تے ٹُرݨ پِھرݨ لگا۔ او سبت دا ڈینہہ ہا۔

یُوحنّا 5:9 Iomraidhean Croise

مرقس 1:31

اُوں کولھ وَنج تے اُوندا ہتھ پکڑ تے اُونکُوں کھڑا کیتا۔ اُوندا بُخار لہہ گِیا تے او اُوندی خدمت کرݨ لگ پئی۔

مرقس 1:42

اُوں ویلے اُوندا کوڑھ ٹھیک تھی گِیا تے او پاک صاف تھی گِیا۔

مرقس 10:52

یسُوع اُونکُوں آکھیا، ”وَنج تیڈے اِیمان تیکُوں چنگا کر ڈِتے۔“ او فوراً ڈیکھنڑ لگ پِیا تے رستے ءچ اُوندے پِچُھوں ٹُر پِیا۔

مرقس 5:29

تے فوراً اُوندا خون واہنڑ بند تھی گِیا، تے اُونکُوں آپنڑے بدن ءچ محسوس تھیّا جو مَیں آپنڑی اِیں بیماری کنُوں شِفا پا گِھدی ہے۔

یُوحنّا 5:14

اِیندے بعد او یسُوع کُوں ہیکل ءچ مِلیا۔ یسُوع اُونکُوں آکھیا، ”ڈیکھ تُوں ٹھیک تھی گئیں، وَل گُناہ نہ کریں، اِینویں نہ تھیوے جو تَیں اُتے اِیں کنُوں وی وڈی آفت آوے۔“

یُوحنّا 7:23

جِیں ویلے سبت دے ڈینہہ بالاں دا ختنہ کیتا ویندے تاں جو مُوسیٰ دی شریعت نہ تروٹے، تاں تُساں مَیں کنُوں کیوں ناراض تھی گئے ہیوے جو مَیں ہِک بندے کُوں سبت دے ڈینہہ بالکل ٹھیک کر ڈِتے؟

یُوحنّا 9:14

جیہڑے ڈینہہ یسُوع مِٹی لو تے اندھے دے اکھیں کھولیاں ہَن، او سبت دا ڈینہہ ہا۔