یُوحنّا 5:43 - کِتاب مُقدّس سرائیکی ترجمہ

⁴³ مَیں آپنڑے باپ دے ناں تُوں آیا ہاں تے تُساں میکُوں قبول نئیں کریندے، پر جے کوئی بِیا آپنڑے ای ناں کنُوں آوے تاں تُساں اُونکُوں قبول کر گِھنسو۔

یُوحنّا 5:43 Iomraidhean Croise

یُوحنّا 10:25

یسُوع جواب ڈِتا، ”مَیں تاں تُہاکُوں ڈسا ڈِتے پر تُساں میڈا یقین ای نئیں کریندے۔ جیہڑے کم مَیں آپنڑے باپ دے ناں نال کریندا ہاں، اُوہو میڈے گواہ ہِن۔

متّی 24:5

کیوں جو بہُوں سارے میڈے ناں نال آسن تے اکھیسن جو ’مَیں المسیح ہاں،‘ تے بہُوں سارے لوکاں کُوں گُمراہ کریسن۔

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

یُوحنّا 12:28

باپ! آپنڑے ناں کُوں جلال ڈے۔“ وَل اسمان کنُوں اواز آئی جو ”مَیں اُونکُوں جلال ڈِتا ہے تے وَل وی ڈیساں۔“

متّی 24:24

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

یُوحنّا 3:16

کیوں جو خُدا دُنیا نال ایجھی محبت کیتی جو اُوں آپنڑا اِکلوتا پوتر بخش ڈِتا تاں جو جیہڑا کوئی اُوندے اُتے اِیمان گِھن آوے، ہلاک نہ تھیوے بلکہ ہمیشاں دی زندگی پاوے۔

اعمال 21:38

کیا تُوں او مِصری نئیں جئیں کُجھ عرصہ پہلے بغاوت کیتی ہئی تے چار ہزار قاتلاں کُوں بیابان ءچ گِھن گِیا ہَویں؟“

یُوحنّا 5:42

پر مَیں تُہاکُوں جانڑدا ہاں جو تُہاڈے ءچ خُدا دی محبت نئیں۔