یُوحنّا 5:16 - کِتاب مُقدّس سرائیکی ترجمہ

¹⁶ اِیں واسطے یہُودی یسُوع کُوں ستاوݨ لگے کیوں جو او ایجھے کم سبت دے ڈینہہ کریندا ہا۔

یُوحنّا 5:16 Iomraidhean Croise

متّی 12:13

وَل اُوں اُوں بندے کُوں آکھیا، ”آپنڑا ہتھ ودھا۔“ اُوں ودھایا تے او اُوندے ڈُوجھے ہتھ آلی کار ٹھیک تھی گِیا۔

مرقس 3:6

وَل فریسی فوراً باہر چلے گئے تے ہیرودیس دے پیروکاراں نال مشورہ کرݨ لگے جو اُونکُوں کِینویں ہلاک کرݨ۔

لُوقا 6:11

شریعت دے عالم تے فریسی کاوڑ کنُوں پاگل تھی گئے تے آپس ءچ آکھنڑ لگے جو ”اساں یسُوع نال کیا کرُوں؟“

یُوحنّا 1:19

تے یُوحنّا دی گواہی ایہ ہے جڈاں یہُودیاں یروشلیم تُوں کاہِن تے لاوی اُوندے کولھ ایہ پُچھنڑ کیتے بھیجے جو ”تُساں کوݨ ہیوے؟“

یُوحنّا 10:39

اُنہاں ولا اُونکُوں پکڑن دی کوشش کیتی پر او اُنہاں دے ہتُھوں نِکل گِیا۔

یُوحنّا 15:20

او گالھ یاد رکھو جیہڑی مَیں تُہاکُوں ڈسائی ہئی جو نوکر آپنڑے مالک کنُوں وڈا نئیں ہوندا۔ جے اُنہاں میکُوں ستایا ہے تاں او تُہاکُوں وی ستیسن۔ جے اُنہاں میڈی گالھ اُتے عمل کیتا تاں تُہاڈی گالھ اُتے وی عمل کریسن۔

یُوحنّا 5:10

بس یہُودی اُوں بندے کُوں جیہڑا ٹھیک تھی گِیا ہا آکھنڑ لگے جو ”اَج سبت دا ڈینہہ ہے، تیکُوں تیڈا بسترا چا تے ٹُرݨ پِھرݨ جائز نئیں۔“

یُوحنّا 5:13

پر شِفا پاوݨ آلے بندے کُوں پتہ نہ ہا جو اُونکُوں آکھنڑ آلا کوݨ ہا کیوں جو یسُوع بِھیڑ دے سببّوں اگُوں نِکل گِیا ہا۔

یُوحنّا 5:15

اُوں وَنج تے یہُودیاں کُوں ڈسایا، ”جئیں میکُوں شِفا ڈِتی ہے او یسُوع ہے۔“

یُوحنّا 5:17

پر یسُوع اُنہاں کُوں آکھیا جو ”میڈا باپ ہُنڑ تئیں آپنڑا کم کریندے تے مَیں وی کریندا ہاں۔“

یُوحنّا 5:18

اِیں وجہ کنُوں یہُودی اُونکُوں قتل کرݨ دی زیادہ کوشش کرݨ لگے کیوں جو او نہ صرف سبت دے حُکم دی خلاف ورزی کریندا بلکہ خُدا کُوں خاص آپنڑا باپ آکھ تے آپنڑے آپ کُوں خُدا دے برابر بنڑیندا ہا۔

یُوحنّا 7:21

یسُوع جواب ءچ اُنہاں کُوں آکھیا، ”مَیں سبت دے ڈینہہ ہِک کم کیتے، تے تُساں حیران تھیندے ہیوے۔

یُوحنّا 7:25

وَل یروشلیم دے کُجھ راہنڑ آلے آکھنڑ لگے، ”کیا ایہ اُوہو نئیں جیندے قتل دی کوشش تھیندی پئی ہے؟