یُوحنّا 4:40 - کِتاب مُقدّس سرائیکی ترجمہ

⁴⁰ بس جِیں ویلے او سامری لوک اُوندے کولھ آئے تاں اُونکُوں درخاست کرݨ لگے جو ”ساڈے کولھ رہ۔“ اِیں واسطے او ڈُو ڈینہہ اُتھاں ریہا۔

یُوحنّا 4:40 Iomraidhean Croise

لُوقا 10:39

مَرتھا دی ہِک بھینڑ ہئی جِیندا ناں مریم ہا۔ او خُداوند دے پیراں دے کولھ بہہ تے اُوندا کلام سُنڑدی پئی ہئی۔

لُوقا 24:29

اُنہاں اُونکُوں ایہ آکھ تے مجبور کیتا جو ”ساڈے کولھ ٹِک پو کیوں جو شام تھیوݨ آلی ہے تے ڈینہہ بہُوں لہہ گِیا ہے۔“ بس او راہنڑ کیتے اُنہاں نال اندر چلیا گِیا۔

لُوقا 8:38

پر جیہڑے بندے ءچوں بدرُوحاں نِکل گئیاں ہَن، او اُوندی مِنت کرݨ لگا جو ”میکُوں آپنڑے نال ای ونجنڑ ڈیؤ۔“ پر یسُوع اُونکُوں روانہ کر تے آکھیا،

یُوحنّا 4:39

تے اُوں شہر دے بہُوں سارے سامری اُوں عورت دی گواہی سُنڑ تے جو ”اُوں میکُوں سبھ کُجھ جیہڑا مَیں ہُنڑ تئیں کیتا ہا، ڈسا ڈِتے،“ یسُوع اُتے اِیمان گِھن آئے۔

یُوحنّا 4:41

تے اُوندے کلام دے سببّوں بئے وی بہُوں سارے لوک اُوندے اُتے اِیمان گِھن آئے۔

یُوحنّا 4:43

ڈُو ڈینہاں بعد یسُوع اُتھوں روانہ تھی تے گلیل کُوں گِیا۔

اعمال 16:15

وَل جِیں ویلے اُوں تے اُوندے خاندان بپتسمہ گِھن گِھدا تاں ساکُوں آکھیا جو ”جے تُساں میکُوں خُداوند دی اِیماندار بندی سمجھدے ہیوے تاں جُلو تے میڈے گھر ٹِکو۔“ بس اُوں ساکُوں مجبور کیتا۔

اعمال 8:8

تے اُوں شہر ءچ وڈی خوشی تھئی۔

مُکاشفہ 3:20

ڈیکھ! مَیں دروازہ اُتے کھڑا کھڑکیندا پِیا ہاں۔ جے کوئی میڈی اواز سُنڑ تے دروازہ کھولیسی تاں مَیں اندر آ تے اُوندے نال کھانڑا کھاساں تے او میڈے نال۔