یُوحنّا 4:39 - کِتاب مُقدّس سرائیکی ترجمہ

³⁹ تے اُوں شہر دے بہُوں سارے سامری اُوں عورت دی گواہی سُنڑ تے جو ”اُوں میکُوں سبھ کُجھ جیہڑا مَیں ہُنڑ تئیں کیتا ہا، ڈسا ڈِتے،“ یسُوع اُتے اِیمان گِھن آئے۔

یُوحنّا 4:39 Iomraidhean Croise

متّی 10:5

یسُوع اِنہاں بارہاں کُوں بھیجیا تے اُنہاں کُوں حُکم ڈے تے آکھیا، ”غیر قوماں دو نہ وَنجائے تے سامریاں دے کہیں شہر ءچ داخل نہ تھیوائے۔

یُوحنّا 1:37

ایہ گالھ سُنڑ تے اُوندے ڈوہائیں شاگرد یسُوع دے پِچُھوں ٹُر پئے۔

یُوحنّا 11:45

بس بہُوں سارے یہُودی جیہڑے مریم دے کولھ آئے ہَن تے جِنہاں یسُوع دا ایہ کم ڈِٹھا، اُوندے اُتے اِیمان گِھن آئے۔

یُوحنّا 4:29

”آؤ، ہِک بندے نال مِلو جئیں میکُوں سبھ کُجھ جیہڑا مَیں ہُنڑ تئیں کیتا ہا، ڈسا ڈِتے۔ کیا اِیہو المسیح تاں نئیں؟“

یُوحنّا 4:30

او شہر کنُوں نِکل تے یسُوع دے کولھ آوݨ لگے۔

یُوحنّا 4:38

مَیں تُہاکُوں اُوں فصل کُوں کپنڑ کیتے بھیجیا جیندے اُتے تُساں محنت نئیں کیتی۔ بئیاں محنت کیتی تے تُساں اُنہاں دی محنت دے پھل ءچ شریک تھئے۔“

یُوحنّا 4:40

بس جِیں ویلے او سامری لوک اُوندے کولھ آئے تاں اُونکُوں درخاست کرݨ لگے جو ”ساڈے کولھ رہ۔“ اِیں واسطے او ڈُو ڈینہہ اُتھاں ریہا۔

یُوحنّا 4:42

اُنہاں اُوں عورت کُوں آکھیا، ”ہُنڑ اساں تیڈے آکھنڑ تے ای اِیمان نئیں گِھن آئے کیوں جو اساں خود سُنڑ گِھدے تے جانڑدے ہیں جو ایہ فی الحقیقت دُنیا دا نجات ڈیوݨ آلا ہے۔“

یُوحنّا 4:5

بس او سامریہ دے ہِک شہر ءچ آیا جیہڑا سُوخار اکھویندا ہے۔ ایہ اُوں زمین دے نیڑے ہے جیہڑی یعقُوب آپنڑے پوتر یُوسف کُوں ڈِتی ہئی

یُوحنّا 4:8

کیوں جو اُوندے شاگرد کھانڑا مُل گِھننڑ شہر گئے ہَن۔