یُوحنّا 4:14 - کِتاب مُقدّس سرائیکی ترجمہ

¹⁴ پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

یُوحنّا 4:14 Iomraidhean Croise

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

متّی 5:6

مُبارک ہِن او جیہڑے راستبازی دے بُکھے تے ترِسّے ہِن، کیوں جو او رَج سِن۔

یُوحنّا 10:10

چور صرف چوری کرݨ، مار گھتنڑ تے برباد کرݨ آندے۔ مَیں اِیں واسطے آیا ہاں جو لوک زندگی پاوݨ تے کثرت نال پاوݨ۔

یُوحنّا 11:26

تے جیہڑا کوئی زندہ ہے تے میڈے اُتے اِیمان گِھن آندے او کڈھائیں نہ مرسی۔ کیا تُوں اِیں گالھ اُتے اِیمان رکھیندی ہیں؟“

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

یُوحنّا 4:11

عورت اُونکُوں آکھیا، ”سائیں، تُہاڈے کولھ پانڑی بھرݨ کیتے کوئی چیز نئیں تے کُھوہ وی بہُوں جِھکا ہے، وَل او زندگی دا پانڑی تُہاڈے کولھ کِتھوں آیا؟

یُوحنّا 4:13

یسُوع جواب ڈِتا، ”جیہڑا کوئی اِیں پانڑی ءچوں پِیندے اُونکُوں ولا تریھ لگسی۔

یُوحنّا 4:36

کپنڑ آلا مزدُوری پیندے تے ہمیشاں دی زندگی کیتے پھل جمع کریندے، تاں جو رہاوݨ آلا تے کپنڑ آلا ڈوہائیں رَل تے خوشی مناوݨ۔

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

یُوحنّا 6:35

یسُوع اُنہاں کُوں آکھیا، ”زندگی دی روٹی مَیں ہاں۔ جیہڑا میڈے کولھ آسی کڈھائیں بُکھا نہ راہسی تے جیہڑا میڈے اُتے اِیمان گِھن آسی کڈھائیں ترِسّا نہ راہسی۔

یُوحنّا 6:58

جیہڑی روٹی اسمان کنُوں لتھی ہے، اِیہو ہے۔ ایہ اُوں روٹی وانگُوں نئیں جِینکُوں پِیُو ڈاڈا کھادا تے مر گئے۔ جیہڑا ایہ روٹی کھاسی او ہمیشاں تئیں زندہ راہسی۔“

یُوحنّا 7:37

وَل عید دے آخری ڈینہہ جیہڑا سبھ تُوں خاص ڈینہہ ہے، یسُوع کھڑا تھیّا تے اُچی اواز ءچ آکھنڑ لگا، ”جے کوئی ترِسّا ہووے تاں میڈے کولھ آوے تے پِیوے۔

رومیوں 5:21

تاں جو جِینویں گُناہ موت دے ذریعے حکُومت کیتی، اُونویں ای خُدا دا فضل وی راستبازی دے ذریعے حکُومت کریسی تے ساڈے خُداوند یسُوع مسیح دے وسیلے نال ہمیشاں دی زندگی ڈیسی۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

2کُرِنتھِیوں 1:22

تے اُوں ساڈے اُتے آپنڑی مُہر وی کیتی تے رُوح القُدس کُوں آپنڑیاں برکتاں دے بیعانہ دے طور تے ساڈے دِلاں ءچ پاتا۔

اِفِسیوں 4:30

خُدا دے رُوح القُدس کُوں ناراض نہ کرو جیندے نال تُہاڈے اُتے مخلصی دے ڈینہہ کیتے مُہر کیتی گئی ہے۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

مُکاشفہ 7:16

او نہ تاں کڈھائیں بُکھے تھیسن تے نہ ترِسّے۔ نہ اُنہاں کُوں دُھپ تنگ کریسی تے نہ گرمی۔

مُکاشفہ 7:17

کیوں جو او لیلا جیہڑا تخت دے اَدھ ءچ ہے، اُنہاں دا آجڑی ہوسی تے اُنہاں کُوں زندگی دے پانڑی دے چشمیاں تئیں گِھن ویسی۔ تے خُدا اُنہاں دے اکھیں دے سارے ہنجُو پُونجھ ڈیسی۔“