یُوحنّا 3:5 - کِتاب مُقدّس سرائیکی ترجمہ

⁵ یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

یُوحنّا 3:5 Iomraidhean Croise

متّی 18:3

تے آکھیا، ”مَیں تُہاکُوں سچ آدھا ہاں جو جے تُساں توبہ نہ کرو تے بالاں وانگُوں نہ بنڑو تاں تُساں اسمان دی بادشاہی ءچ اصلُوں داخل نہ تھیسو۔

متّی 19:24

مَیں وَل آدھا ہاں جو اُٹھ دا سُوئی دے نکے ءچوں لنگھ ونجنڑ، دولت مند دے اسمان دی بادشاہی ءچ داخل تھیوݨ کنُوں زیادہ سوکھا ہے۔“

متّی 21:31

اِنہاں ڈوہاں ءچوں کیہڑے پوتر، پِیُو دا حُکم منیا؟“ اُنہاں جواب ڈِتا، ”پہلے۔“ یسُوع اُنہاں کُوں آکھیا، ”مَیں تُہاکُوں سچ آدھا ہاں جو محصُول گِھننڑ آلے تے طوائفاں تُہاڈے کنُوں پہلے خُدا دی بادشاہی ءچ داخل تھیسن۔

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

متّی 3:11

مَیں تاں تُہاکُوں توبہ کیتے پانڑی نال بپتسمہ ڈیندا ہاں پر جیہڑا میڈے بعد آندے او مَیں تُوں زیادہ زور آور ہے۔ مَیں تاں اُوندیاں جُتیاں چاوݨ دے وی لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

متّی 5:20

کیوں جو مَیں تُہاکُوں سچ آدھا ہاں جو جے تُہاڈا نیک چال چلنڑ شریعت دے عالماں تے فریسیاں تُوں زیادہ نہ ہوسی تاں تُساں اسمان دی بادشاہی ءچ اصلُوں نہ وَنج سگسو۔

مرقس 10:14

یسُوع ایہ ڈیکھ تے ناراض تھیّا تے اُنہاں کُوں آکھیا، ”بالاں کُوں میڈے کولھ آوݨ ڈیؤ، اُنہاں کُوں نہ ہٹکو، کیوں جو خُدا دی بادشاہی ایجھیاں ای دی ہے۔

مرقس 16:16

جیہڑا اِیمان گِھن آوے تے بپتسمہ گِھنے او نجات پیسی، پر جیہڑا اِیمان نہ گِھن آوے او مُجرم کھڑایا ویسی۔

مرقس 9:47

تے جے تیڈی اکھ تَیں کنُوں گُناہ کراوے تاں اُونکُوں کڈھ سَٹ کیوں جو کانڑاں تھی تے خُدا دی بادشاہی ءچ داخل تھیوݨ، ڈُو اکھیں رکھیندے ہوئے دوزخ ءچ ونجنڑ کنُوں چنگا ہے۔

لُوقا 13:24

”تنگ دروازے کنُوں داخل تھیوݨ دی پُوری کوشش کرو کیوں جو مَیں تُہاکُوں آدھا ہاں جو بہُوں سارے داخل تھیوݨ دی کوشش کریسن پر نہ تھی سگسن۔

لُوقا 13:3

مَیں تُہاکُوں آدھا ہاں جو نئیں! بلکہ جے تُساں توبہ نہ کریسو تاں سارے اِینویں ای ہلاک تھیسو۔

لُوقا 13:5

مَیں تُہاکُوں آدھا ہاں جو نئیں! بلکہ جے تُساں توبہ نہ کریسو تاں سارے اِینویں ای ہلاک تھیسو۔“

یُوحنّا 1:13

او نہ خون کنُوں، نہ جِسمانی خواہش کنُوں تے نہ اِنسان دے اِرادے کنُوں بلکہ خُدا کنُوں پیدا تھئے۔

یُوحنّا 3:3

یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

یُوحنّا 3:4

نِیکُدِیمُس اُونکُوں آکھیا، ”بندہ جِیں ویلے بُڈھا تھی ونجے تاں او کِینویں ولا پیدا تھی سگدے؟ کیا او ولا آپنڑی ماء دے پیٹ ءچ داخل تھی تے پیدا تھی سگدے؟“

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 3:19

بس توبہ کرو تے رجُوع گِھن آؤ تاں جو تُہاڈے گُناہ مِٹائے ونجنڑ تے خُداوند دی طرفوں تُہاڈے کیتے رُوحانی تازگی دا وقت آوے،

رومیوں 14:17

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

1کُرِنتھِیوں 15:50

بِھراؤ! میڈا مطلب ایہ ہے جو خون تے گوشت خُدا دی بادشاہی دے وارث نئیں تھی سگدے تے نہ جیہڑا فانی ہے، غیرفانی دا وارث تھی سگدے۔

1کُرِنتھِیوں 2:12

ساکُوں اِیں دُنیا دا رُوح نئیں مِلیا بلکہ خُدا دا رُوح القُدس مِلیا ہے تاں جو اساں اُنہاں برکتاں کُوں جاݨ سگوں جیہڑیاں ساکُوں خُدا دی طرفوں بخشیاں گئیاں ہِن۔

1کُرِنتھِیوں 6:11

تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

گلتِیوں 6:15

کیوں جو ختنہ کراوݨ یا نہ کراوݨ دی کوئی اہمیت نئیں، بلکہ صرف نویں سرے تُوں پیدا تھیوݨ دی ہے۔

اِفِسیوں 5:26

تاں جو او کلیسیا کُوں کلام دے ذریعے پانڑی نال غُسل ڈے تے صاف تے مُقدّس بنڑا ڈیوے،

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔

1 یُوحنّا 2:29

جڈاں تُساں جانڑدے ہیوے جو مسیح راستباز ہے تاں تُساں ایہ وی جانڑدے ہوسو جو جیہڑا کوئی راستبازی دے کم کریندے، او رُوحانی طور تے خُدا دا فرزند ہے۔

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔