یُوحنّا 3:3 - کِتاب مُقدّس سرائیکی ترجمہ

³ یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

یُوحنّا 3:3 Iomraidhean Croise

متّی 16:17

یسُوع جواب ءچ اُونکُوں آکھیا، ”شمعون بِن یُوناہ، تُوں مُبارک ہیں کیوں جو ایہ گالھ اِنسان نئیں بلکہ میڈے اسمانی باپ تَیں اُتے ظاہر کیتی ہے۔

متّی 19:24

مَیں وَل آدھا ہاں جو اُٹھ دا سُوئی دے نکے ءچوں لنگھ ونجنڑ، دولت مند دے اسمان دی بادشاہی ءچ داخل تھیوݨ کنُوں زیادہ سوکھا ہے۔“

متّی 21:31

اِنہاں ڈوہاں ءچوں کیہڑے پوتر، پِیُو دا حُکم منیا؟“ اُنہاں جواب ڈِتا، ”پہلے۔“ یسُوع اُنہاں کُوں آکھیا، ”مَیں تُہاکُوں سچ آدھا ہاں جو محصُول گِھننڑ آلے تے طوائفاں تُہاڈے کنُوں پہلے خُدا دی بادشاہی ءچ داخل تھیسن۔

متّی 5:18

کیوں جو مَیں تُہاکُوں سچ آدھا ہاں جو جئیں تئیں اسمان تے زمین ٹَل نہ ونجنڑ ہِک نقطہ یا ہِک شوشہ توریت ءچوں ہرگز نہ ٹَل سی جئیں تئیں سبھ کُجھ پُورا نہ تھی ونجے۔

مرقس 10:14

یسُوع ایہ ڈیکھ تے ناراض تھیّا تے اُنہاں کُوں آکھیا، ”بالاں کُوں میڈے کولھ آوݨ ڈیؤ، اُنہاں کُوں نہ ہٹکو، کیوں جو خُدا دی بادشاہی ایجھیاں ای دی ہے۔

مرقس 9:47

تے جے تیڈی اکھ تَیں کنُوں گُناہ کراوے تاں اُونکُوں کڈھ سَٹ کیوں جو کانڑاں تھی تے خُدا دی بادشاہی ءچ داخل تھیوݨ، ڈُو اکھیں رکھیندے ہوئے دوزخ ءچ ونجنڑ کنُوں چنگا ہے۔

یُوحنّا 1:13

او نہ خون کنُوں، نہ جِسمانی خواہش کنُوں تے نہ اِنسان دے اِرادے کنُوں بلکہ خُدا کنُوں پیدا تھئے۔

یُوحنّا 1:5

نُور اندھارے ءچ چمکدا ہے تے اندھارا اُوندے اُتے غالب نہ آیا۔

یُوحنّا 1:51

وَل اُونکُوں آکھیا، ”مَیں تُہاکُوں سچ آدھا ہاں جو تُساں اسمان کُوں کُھلا تے خُدا دے فرشتیاں کُوں اُتے ویندے تے اِبنِ آدم اُتے لہندے ڈیکھسو۔“

یُوحنّا 12:40

”اُوں اُنہاں دے اکھیں کُوں اندھا تے دِلاں کُوں سخت کر ڈِتا تاں جو اِینویں نہ تھیوے جو او آپنڑے اکھیں کنُوں ڈیکھنڑ تے آپنڑے دِلاں کنُوں سمجھنڑ تے رجُوع کرݨ تے مَیں اُنہاں کُوں شِفا بخشاں۔“

یُوحنّا 3:4

نِیکُدِیمُس اُونکُوں آکھیا، ”بندہ جِیں ویلے بُڈھا تھی ونجے تاں او کِینویں ولا پیدا تھی سگدے؟ کیا او ولا آپنڑی ماء دے پیٹ ءچ داخل تھی تے پیدا تھی سگدے؟“

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

گلتِیوں 6:15

کیوں جو ختنہ کراوݨ یا نہ کراوݨ دی کوئی اہمیت نئیں، بلکہ صرف نویں سرے تُوں پیدا تھیوݨ دی ہے۔

اِفِسیوں 2:1

تُساں پہلے آپنڑے قصُوراں تے گُناہاں دی وجہ کنُوں رُوحانی طور تے مُردہ ہَوے

طِطُس 3:5

تاں خُدا ساکُوں نجات ڈِتی پر ساڈے نیک کماں دی وجہ کنُوں نئیں جیہڑے اساں کیتے بلکہ آپنڑے رحم دی وجہ کنُوں۔ ایہ نجات ساکُوں رُوح القُدس دے وسیلے مِلی جئیں ساکُوں دھو تے نویں سرے تُوں پیدا کیتا تے نوِیں زندگی ڈِتی۔

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

1 یُوحنّا 2:29

جڈاں تُساں جانڑدے ہیوے جو مسیح راستباز ہے تاں تُساں ایہ وی جانڑدے ہوسو جو جیہڑا کوئی راستبازی دے کم کریندے، او رُوحانی طور تے خُدا دا فرزند ہے۔

1 یُوحنّا 3:9

جیہڑا کوئی خُدا تُوں پیدا تھئے، او گُناہ نئیں کریندا راہندا کیوں جو اُوندے ءچ خُدا دی فطرت راہندی ہے۔ اُوندے کیتے گُناہ کرݨ ناممکن ہے کیوں جو او خُدا دا پوتر ہے۔

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

1 یُوحنّا 5:18

اساں جانڑدے ہیں جو جیہڑا کوئی خُدا دا فرزند بنڑ گئے، او گُناہ نئیں کریندا راہندا کیوں جو خُدا دا پوتر اُوندی حفاظت کریندے تے ابلیس اُونکُوں نُقصان نئیں پُچا سگدا۔

1 یُوحنّا 5:4

جیہڑا کوئی خُدا دا فرزند ہے، او دُنیا اُتے غالب آندے۔ تے جیندے نال اساں دُنیا اُتے غالب آ تے فتح پائی، او ساڈا اِیمان ہے۔

مُکاشفہ 3:14

لَودِیکیہ دی کلیسیا دے فرشتہ کُوں لِکھ جو جیہڑا آمین ہے تے وفادار تے سچا گواہ تے جیندے وسیلے خُدا سبھ کُجھ بنڑائے، اُوہو ایہ فرمیندے جو