یُوحنّا 3:26 - کِتاب مُقدّس سرائیکی ترجمہ

²⁶ اِیں واسطے او یُوحنّا دے کولھ آ تے آکھنڑ لگے، ”ربّی! او بندہ جیہڑا یردن دے پار تیڈے نال ہا تے جیندے بارے ءچ تُوں گواہی ڈِتی ہئی، ڈیکھ او وی بپتسمہ ڈیندا ہے تے سبھ اُوندے کولھ آندے ہِن۔“

یُوحنّا 3:26 Iomraidhean Croise

متّی 23:7

تے بازاراں ءچ سلام تے آدمیاں کنُوں ربّی اکھواوݨ پسند کریندے ہِن۔

متّی 23:8

پر تُساں ربّی نہ اکھواؤ کیوں جو تُہاڈا اُستاد ہِکو ہے یعنی مسیح، تے تُساں سبھ بِھرا ہیوے۔

یُوحنّا 1:15

اُوندے بارے ءچ یُوحنّا گواہی ڈِتی تے اُچی اواز ءچ آکھیا جو ”ایہ اُوہو ہے جیندے حق ءچ مَیں آکھیا ہا جو جیہڑا میڈے بعد آوݨ آلا ہے، او مَیں کنُوں افضل ہے کیوں جو او مَیں کنُوں پہلے موجود ہا۔“

یُوحنّا 1:7

او اِیں واسطے آیا جو او نُور دی گواہی ڈیوے تاں جو سارے اُوندے وسیلہ نال اِیمان گِھن آوݨ۔

یُوحنّا 1:9

سچا نُور جیہڑا ہر ہِک اِنسان کُوں روشن کریندے، دُنیا ءچ آوݨ آلا ہا۔

یُوحنّا 11:48

جے اساں اُونکُوں اِینویں چھوڑ ڈیؤں تاں سبھ اُوندے اُتے اِیمان گِھن آسن تے رومی اِتھاں آ تے ساڈی جاہ تے ساڈی قوم ڈوہائیں کُوں برباد کر ڈیسن۔“

یُوحنّا 12:19

فریسیاں ایہ ڈیکھ تے ہِک ڈُوجھے کُوں آکھیا، ”کُجھ سوچو! ساڈے کنُوں کُجھ نئیں بنڑدا۔ ڈیکھو ساری دُنیا اُوندے پِچُھوں ٹُر پئی ہے۔“

یُوحنّا 3:2

او رات دے ویلے یسُوع دے کولھ آ تے آکھنڑ لگا، ”ربّی! اساں جانڑدے ہیں جو تُساں خُدا دی طرفوں آئے ہوئے اُستاد ہیوے کیوں جو جیہڑے معجزے تُساں ڈکھیندے ہیوے، کوئی نئیں ڈِکھا سگدا جئیں تئیں خُدا اُوندے نال نہ ہووے۔“

یُوحنّا 4:1

وَل جِیں ویلے یسُوع کُوں پتہ چلیا جو فریسیاں سُنڑے جو یسُوع یُوحنّا کنُوں وی زیادہ شاگرد بنڑیندے تے بپتسمہ ڈیندے،

یُوحنّا 4:2

بھانویں یسُوع خود نئیں بلکہ اُوندے شاگرد بپتسمہ ڈیندے ہَن،

یُوحنّا 4:31

اِیں دوران اُوندے شاگرد اُونکُوں ایہ درخاست کرݨ لگے جو ”ربّی، کُجھ کھا گِھنو۔“

یُوحنّا 5:33

تُساں یُوحنّا دے کولھ قاصد بھیجے تے اُوں حق دی گواہی ڈِتی۔