یُوحنّا 3:23 - کِتاب مُقدّس سرائیکی ترجمہ

²³ یُوحنّا وی شالیم شہر دے نیڑے عینون ءچ بپتسمہ ڈیندا ہا، کیوں جو اُتھاں پانڑی بہُوں ہا، تے لوک آ تے بپتسمہ گِھندے ہَن۔

یُوحنّا 3:23 Iomraidhean Croise

لُوقا 3:7

بس جیہڑے لوک یُوحنّا تُوں بپتسمہ گِھننڑ کیتے آندے ہَن او اُنہاں کُوں آدھا ہا، ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

یُوحنّا 3:22

اِنہاں گالھیں دے بعد یسُوع تے اُوندے شاگرد یہُودیہ دے علاقے ءچ آئے تے او اُتھاں اُنہاں نال رہ تے بپتسمہ ڈیوݨ لگا۔

یُوحنّا 3:24

کیوں جو یُوحنّا اجنڑ تئیں قید خانہ ءچ سٹیا نہ گِیا ہا۔

مُکاشفہ 1:15

اُوندے پیر بٹھی ءچ تپائے ہوئے خالص پِتّل وانگُوں ہَن تے اُوندی اواز زور نال واہندے پانڑی وانگُوں ہئی۔

مُکاشفہ 14:2

وَل مَیں اسمان کنُوں ہِک ایجھی اواز سُنڑی جیہڑی زور نال واہندے پانڑی وانگُوں تے بجلی دی ہِک وڈی گجکار وانگُوں ہئی۔ تے ایہ اواز جیہڑی میں سُنڑی ہئی اِینویں ہئی جِینویں سِتار وجاوݨ آلے آپنڑے ساز وجیندے پئے ہووݨ۔

مُکاشفہ 19:6

وَل مَیں ہِک وڈی جماعت جیہی اواز جیہڑی زور نال واہندے پانڑی جیہی تے بجلی دی گجکار وانگُوں ہئی، ایہ آدھے ہوئے سُنڑی، ”ہلّلُویاہ! کیوں جو ساڈا خُداوند قادر ِ مُطلق خُدا بادشاہی کریندے۔