یُوحنّا 21:5 - کِتاب مُقدّس سرائیکی ترجمہ

⁵ بس یسُوع اُنہاں کُوں آکھیا، ”بالو! کیا تُہاڈے کولھ کوئی مچھی ہے؟“ اُنہاں جواب ڈِتا، ”کائناں۔“

یُوحنّا 21:5 Iomraidhean Croise

متّی 14:15

جِیں ویلے شام تھئی تاں شاگرد اُوندے کولھ آ تے آکھنڑ لگے جو ”ایہ جاہ ویران ہے تے دیر وی تھی گئی ہے۔ لوکاں کُوں رُخصت کر ڈیؤ تاں جو او وستیاں ءچ وَنج تے آپنڑے کیتے کھانڑا مُل گِھن سگن۔“

مرقس 8:7

اُنہاں دے کولھ کُجھ چھوٹیاں مچھیاں وی ہَن۔ یسُوع اُنہاں اُتے برکت منگی تے شاگرداں کُوں آکھیا، ”ایہ وی اُنہاں کُوں ڈے ڈیؤ۔“

فِلِپّیوں 4:19

میڈا خُدا آپنڑے جلال آلی دولت ءچوں یسُوع مسیح دے ذریعے تُہاڈیاں ساریاں ضرورتاں پُوریاں کر ڈیسی۔

عبرانیوں 13:5

پیسے دے لالچ کنُوں دُور راہو تے جِتنا تُہاڈے کولھ ہے اُوندے ءچ خوش راہو، کیوں جو خُدا فرمائے ”مَیں تَیں تُوں آپنڑا ہتھ کڈھائیں نہ چیساں تے تیکُوں کڈھائیں نہ چُھڑیساں۔“

1 یُوحنّا 2:13

بزُرگو! مَیں تُہاکُوں اِیں واسطے لِکھدا پِیا ہاں جو تُساں اُونکُوں جیہڑا ازل کنُوں موجود ہے، جاݨ گِھدے۔ جوانو! مَیں تُہاکُوں اِیں واسطے لِکھدا پِیا ہاں جو تُساں ابلیس اُتے غالب آ گئے ہیوے۔ بالو! مَیں تُہاکُوں اِیں واسطے لِکھیا ہے جو تُساں خُدا باپ کُوں جاݨ گِھدے۔

1 یُوحنّا 2:18

بالو! ایہ دُنیا دا آخری ویلا ہے۔ جِینویں تُساں سُنڑیا ہے جو مسیح دا مخالف آوݨ آلا ہے، اُوندے مطابق ہُنڑ مسیح دے بہُوں سارے مخالف اُٹھی کھڑے تھئے ہِن۔ اِیں تُوں ساکُوں پتہ چلدے جو آخری ویلا آ گئے۔