یُوحنّا 21:12 - کِتاب مُقدّس سرائیکی ترجمہ

¹² یسُوع اُنہاں کُوں آکھیا، ”آؤ کھانڑا کھا گِھنو۔“ شاگرداں ءچوں کہیں کُوں وی جُرأت نہ تھئی جو پُچھے جو ”تُوں کوݨ ہیں؟“ کیوں جو او جانڑدے ہَن جو خُداوند ای ہے۔

یُوحنّا 21:12 Iomraidhean Croise

متّی 22:46

کوئی ہِک لفظ وی اُوندے جواب ءچ نہ آکھ سگیا تے اُوں ڈینہہ دے بعد نہ ای کہیں کُوں جُرأت تھئی جو اُوں کنُوں مزید سوال کرݨ۔

مرقس 9:32

پر او اِیں گالھ کُوں نہ سمجھدے ہَن تے اُونکُوں پُچھنڑ تُوں ڈر دے ہَن۔

لُوقا 9:45

پر شاگرد اِیں گالھ کُوں نہ سمجھدے ہَن بلکہ ایہ اُنہاں کنُوں لُکائی گئی تاں جو اُنہاں کُوں پتہ نہ لگے۔ تے اِیں گالھ دے بارے ءچ اُوندے کنُوں پُچھنڑ تُوں ڈردے ہَن۔

یُوحنّا 16:19

یسُوع ڈِٹھا جو او مَیں کنُوں پُچھنڑ چاہندے ہِن، تاں اُنہاں کُوں آکھیا، ”کیا تُساں آپس ءچ میڈی اِیں گالھ دے بارے ءچ پُچھدے پئے ہیوے جو کُجھ دیر بعد تُساں میکُوں نہ ڈیکھسو تے کُجھ دیر بعد ولا میکُوں ڈیکھ گِھنسو؟

یُوحنّا 21:11

شمعون پطرس کشتی اُتے چڑھ گِیا تے جال کُوں کنارے اُتے چھیک آیا۔ او ہِک سو تِرونجھاہ وڈیاں وڈیاں مچھیاں نال بھریا ہا، پر مچھیاں دی کثرت دے باوجود جال وَل وی نہ پھٹیا۔

یُوحنّا 21:15

جِیں ویلے اُنہاں کھانڑا کھا گِھدا تاں یسُوع شمعون پطرس کُوں آکھیا، ”یُوحنّا دے پوتر شمعون! کیا تُوں میکُوں اِنہاں کنُوں زیادہ عزیز رکھیندیں؟“ اُوں آکھیا، ”ہاں خُداوند تُساں تاں جانڑدے ای ہیوے جو مَیں تُہاکُوں عزیز رکھیندا ہاں۔“ اُوں جواب ڈِتا، ”تُوں میڈے لیلے چَرا۔“

یُوحنّا 4:27

اِتی دیر ءچ اُوندے شاگرد آئے تے اُونکُوں ہِک عورت نال گالھیں کریندے ڈیکھ تے حیران تھئے۔ وَل وی کہیں نہ پُچھیا جو ”تُساں کیا چاہندے ہیوے؟ یا اُوندے نال کِیں واسطے گالھیں کریندے پئے ہیوے؟“

اعمال 10:41

او سارے لوکاں اُتے ظاہر نئیں تھیّا بلکہ صرف اُنہاں گواہاں اُتے جِنہاں کُوں خُدا پہلے کنُوں چُنڑ گِھدا ہا یعنی ساڈے اُتے جِنہاں اُوندے مُردیاں ءچوں زندہ تھیوݨ دے بعد اُوندے نال کھادا پِیتا۔