یُوحنّا 21:10 - کِتاب مُقدّس سرائیکی ترجمہ

¹⁰ یسُوع اُنہاں کُوں آکھیا، ”جیہڑیاں مچھیاں تُساں ہُنڑ پکڑیاں ہِن اُنہاں ءچوں کُجھ گِھن آؤ۔“

یُوحنّا 21:10 Iomraidhean Croise

لُوقا 24:41

پر جِیں ویلے خوشی تے حیرت کنُوں اُنہاں کُوں یقین نہ آندا پِیا ہا، تاں اُوں اُنہاں کنُوں پُچھیا، ”کیا اِتھاں تُہاڈے کولھ کُجھ کھاوݨ کیتے ہے؟“

یُوحنّا 21:11

شمعون پطرس کشتی اُتے چڑھ گِیا تے جال کُوں کنارے اُتے چھیک آیا۔ او ہِک سو تِرونجھاہ وڈیاں وڈیاں مچھیاں نال بھریا ہا، پر مچھیاں دی کثرت دے باوجود جال وَل وی نہ پھٹیا۔

یُوحنّا 21:13

یسُوع آ تے روٹی گِھدی تے اُنہاں کُوں ڈِتی تے اِینویں ای مچھی وی ڈِتی۔

یُوحنّا 21:9

جِیں ویلے کنارے اُتے لتھے تاں ڈِٹھا جو کولیاں دی بھاہ ہے تے اُوندے اُتے مچھی رکھی ہوئی تے روٹی ڈِٹھی۔

یُوحنّا 6:11

یسُوع او روٹیاں گِھدیاں تے خُدا دا شُکر ادا کیتا تے اُنہاں ءچ جیہڑے بیٹھے ہَن وَنڈ ڈِتیاں۔ تے اِینویں ای مچھیاں وی جِتّی جِینکُوں ضرورت ہئی وَنڈ ڈِتیاں۔

یُوحنّا 6:9

”اِتھاں ہِک چھوہر ہے جیندے کولھ جَوں دیاں پنج روٹیاں تے ڈُو مچھیاں ہِن، پر اِتی لوکاں ءچ اِنہاں نال کیا تھیسی؟“