یُوحنّا 20:1 - کِتاب مُقدّس سرائیکی ترجمہ

¹ ہفتے دے پہلے ڈینہہ سویل نال جِیں ویلے حالی اندھارا ای ہا، مریم مگدلینی قبر اُتے آئی تے ڈِٹھا جو پتھر قبر دے مُنہ کنُوں ہٹیا ہویا ہے۔

یُوحنّا 20:1 Iomraidhean Croise

متّی 27:56

اُنہاں ءچ مریم مگدلینی ہئی، تے یعقُوب تے یوسیس دی ماء مریم تے زبدی دے پوتراں دی ماء۔

متّی 27:60

تے اُونکُوں آپنڑی نوِیں قبر ءچ جیہڑی اُوں چٹان ءچ کُھدوائی ہئی رکھ ڈِتا۔ وَل او ہِک وڈا پتھر قبر دے مُنہ اُتے ریڑھ تے چلیا گِیا۔

متّی 27:64

اِیں واسطے حُکم ڈے جو تریجھے ڈینہہ تئیں قبر دی نِگرانی کیتی ونجے۔ کِتھائیں اِینویں نہ تھیوے جو اُوندے شاگرد آ تے لاش کُوں چوری کر تے گِھن ونجنڑ تے لوکاں کُوں آکھ ڈیوݨ جو او مُردیاں ءچوں زندہ تھی گِیا ہے، تے ایہ بعد دا دوکھا پہلے آلے دوکھے کنُوں وی بُرا ہووے۔“

متّی 27:66

بس او پہرے داراں کُوں نال گِھن تے گئے تے پتھر اُتے مُہر لا تے قبر دی نِگرانی کیتی۔

متّی 28:1

سبت دے بعد ہفتے دے پہلے ڈینہہ سِجھ اُبھرݨ تُوں پہلے مریم مگدلینی تے ڈُوجھی مریم قبر کُوں ڈیکھنڑ آئیاں۔

متّی 28:2

تے ڈیکھو ہِک وڈا زلزلہ آیا کیوں جو رب دا فرشتہ اسمان کنُوں لتھا تے قبر دے کولھ وَنج تے پتھر کُوں ریڑھ ڈِتا تے اُوندے اُتے بہہ گِیا۔

مرقس 15:46

اُوں ہِک لینن دی چادر مُل گِھدی تے لاش کُوں لہا تے اُوں چادر ءچ کفنایا۔ تے ہِک قبر ءچ رکھ ڈِتا جیہڑی چٹان ءچ کھودی گئی ہئی تے قبر دے مُنہ اُتے ہِک پتھر ریڑھ ڈِتا۔

مرقس 16:9

ہفتے دے پہلے ڈینہہ جِیں ویلے یسُوع صُبح سویلے زندہ تھی گِیا تاں سبھ کنُوں پہلے مریم مگدلینی اُتے ظاہر تھیّا، جیندے ءچوں اُوں سَت بدرُوحاں کڈھیاں ہَن۔

یُوحنّا 11:38

یسُوع بہُوں ڈُکھی دل نال قبر اُتے آیا۔ او ہِک غار ہئی تے اُوندے اگُوں ہِک پتھر رکھیا ہویا ہا۔

یُوحنّا 11:41

بس اُنہاں پتھر کُوں ہٹا ڈِتا۔ وَل یسُوع اسمان دو اکھیں چا تے آکھیا، ”باپ! مَیں تیڈا شُکر کریندا ہاں جو تُوں میڈی سُنڑ گِھدی۔

یُوحنّا 19:25

یسُوع دی صلیب دے نیڑے اُوندی ماء، اُوندی خالہ، کلوپاس دی ذال مریم تے مریم مگدلینی، کھڑیاں ہَن۔

یُوحنّا 20:26

اَٹھ ڈینہہ بعد یسُوع دے شاگرد ہِک پھیری ولا گھر دے اندر ہَن تے توما وی اُنہاں دے نال ہا۔ دروازے بند ہَن، پر یسُوع آ تے اُنہاں دے وچال کھڑا تھی گِیا تے آکھیا، ”تُہاڈی سلامتی ہووے!“

اعمال 20:7

ہفتے دے پہلے ڈینہہ جِیں ویلے اساں خُداوند دی یادگاری ءچ روٹی تروڑن کیتے کٹھے تھئے تاں پولُس لوکاں نال گالھ کرݨ لگا۔ اُوں ڈُوجھے ڈینہہ اُتھوں کنُوں روانہ تھیونڑا ہا، اِیں واسطے او رات دیر تئیں کلام کریندا ریہا۔

1کُرِنتھِیوں 16:2

یعنی ہر ہفتے دے پہلے ڈینہہ تُہاڈے ءچوں ہر بندہ آپنڑی آمدنی دے مطابق کُجھ آپنڑے کولھ جمع کر رکھے، تاں جو میڈے آوݨ تے تُہاکُوں چندہ جمع کرݨ دی لوڑ نہ پووے۔

مُکاشفہ 1:10

خُداوند دے ڈینہہ میں رُوح القُدس دے اثر ءچ آ گِیا ہم تے مَیں آپنڑے پِچُھوں نرسِنگے جیہی ہِک اواز سُنڑی،