یُوحنّا 19:11 - کِتاب مُقدّس سرائیکی ترجمہ

¹¹ یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

یُوحنّا 19:11 Iomraidhean Croise

متّی 26:65

وَل کاہِن ِ اعظم ایہ آکھ تے آپنڑے کپڑے پھاڑے جو ”اُوں کُفر بَکیا ہے۔ ہُنڑ ساکُوں گواہاں دی کیا لوڑ ہے؟ ڈیکھو تُساں ہُنڑیں ای ایہ کُفر سُنڑیا ہے۔ تُہاڈا کیا خیال ہے؟“

متّی 27:2

تے اُونکُوں بَدھ تے گِھن گئے تے گورنر پِیلاطُس دے حوالے کر ڈِتا۔

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

مرقس 14:44

اُوندے پکڑواوݨ آلے اُنہاں کُوں ایہ نشانی ڈِتی ہئی جو ”جِیندا مَیں بوسہ گِھناں اُوہو یسُوع ہے۔ اُونکُوں پکڑ تے دھیان نال گِھن وَنجائے۔“

لُوقا 22:53

جِیں ویلے مَیں ہر روز ہیکل ءچ تُہاڈے نال ہم تاں تُساں میڈے اُتے ہتھ نہ پایا، پر ایہ تُہاڈی گھڑی تے اندھارے دا اِختیار ہے۔“

یُوحنّا 18:13

تے اُونکُوں پہلے حنّا دے کولھ گِھن گئے کیوں جو او اُوں سال دے کاہِن ِ اعظم کائفا دا سُسر ہا۔

یُوحنّا 18:3

بس یہُوداہ رومی فوجیاں دا دستہ تے سردار کاہِناں تے فریسیاں تُوں ہیکل دے کُجھ سپاہی گِھن تے اُتھاں آیا۔ او آپنڑے ہتھاں ءچ مشعلاں، ڈیوے تے ہتھیار چاتی ہوئے ہَن۔

یُوحنّا 19:10

بس پِیلاطُس اُونکُوں آکھیا، ”تُوں میڈے نال کیوں نئیں بُولیندا؟ کیا تیکُوں پتہ نئیں جو میکُوں اِختیار ہے جو تیکُوں چھوڑ ڈیواں یا صلیب اُتے چڑھا ڈیواں؟“

یُوحنّا 3:27

یُوحنّا جواب ءچ آکھیا، ”اِنسان کُوں کُجھ نئیں مِل سگدا جئیں تئیں اُونکُوں اسمان دی طرفوں نہ ڈِتا ونجے۔

یُوحنّا 7:30

اِیں گالھ تے لوک اُونکُوں پکڑن دی کوشش کرݨ لگے پر کہیں اُوندے اُتے ہتھ نہ پایا کیوں جو اجنڑ اُوندا وقت نہ آیا ہا۔

یُوحنّا 9:41

یسُوع اُنہاں کُوں آکھیا جو ”جے تُساں اندھے ہوندے تاں گُنہگار نہ سمجھے ویندے، پر تُساں آدھے ہیوے جو اساں ڈیدھے ہیں، اِیں واسطے تُہاڈا گُناہ قائم راہندے۔“

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

اعمال 3:13

ابرہام، اِضحاق تے یعقُوب دے خُدا یعنی ساڈے پِیُو ڈاڈا دے خُدا آپنڑے خادم یسُوع کُوں جلال ڈِتے۔ تُساں اُونکُوں پکڑوا ڈِتا تے جِیں ویلے پِیلاطُس اُونکُوں چھوڑ ڈیوݨ دا اِرادہ کیتا تاں تُساں پِیلاطُس دے سامنڑے اُوندا اِنکار کیتا۔

اعمال 4:28

تاں جو جیہڑا کُجھ تیڈی قُدرت تے اِرادہ دے مطابق پہلے ای مقرر کر ڈِتا گِیا ہا اُوہو تھیوے۔

رومیوں 11:36

کیوں جو ساریاں چیزاں اُوندی طرفوں، اُوندے وسیلے نال تے اُوندے کیتے ہِن۔ اُوندی تمجید ہمیشاں تئیں تھیندی راہوے۔ آمین۔

رومیوں 13:1

ہر بندہ اِختیار آلیاں حکومتاں دی تابعداری کرے، کیوں جو کوئی حکُومت ایجھی نئیں جیہڑی خُدا دی طرفوں نہ ہووے۔ جیہڑیاں حکومتاں موجود ہِن، خُدا ای دی طرفوں مقرر تھئیاں ہِن۔

یعقُوب 1:17

ہر چنگی برکت تے کامِل نعمت اسمان کنُوں خُدا دی طرفوں مِلدی ہے جیہڑا نُوراں دا خالق ہے۔ اُوندے ءچ نہ تبدیلی آندی ہے تے نہ ای او پچھانویں وانگُوں تبدیل تھیندے۔

یعقُوب 4:17

بس جیہڑا نیکی کرݨ جانڑدے پر نئیں کریندا، ایہ اُوندے کیتے گُناہ ہے۔